ନୂଆଗାଁ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଭିନ୍ନ ଜନହିତକର ଯୋଜନା ଯାହା ଲୋକଙ୍କ ଆଗକୁ ଆସି ପାରୁ ନାହିଁ ବା ସାଧାରଣ ଲୋକ ସେ ସମସ୍ତ ଯୋଜନାକୁ ଜାଣି ପାରୁନାହାନ୍ତି, ଯାହା ଜଣେ ସାଧାରଣ ଲୋକଙ୍କୁ ଅତ୍ୟନ୍ତ ସାହାଯ୍ୟ କରିବ ତାହା ଉପରେ ଅଧିକ ସୂଚନା ପାଇଁ ଏବେ ଗାଁ ଗାଁରେ ବୁଲୁଚି ” ବିକଶିତ ଭାରତ’ ରଥ । ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ନୂଆଗାଁ, ଯାକେଡ଼ା ଗ୍ରାମ ପଞ୍ଚାୟତ ପରିସର ମଧ୍ୟରେ ପହଂଚି ଥିଲା । ପଞ୍ଚାୟତ ପରିସର ମଧ୍ୟରେ ଶତାଧିକ ମହିଳା ସମାବେଶ ହୋଇ ଭବ୍ୟ ସ୍ୱାଗତ ସମାରୋହ ସହିତ ପଞ୍ଚାୟତରେ “ବିକଶିତ ଭାରତ ରଥ’କୁ ସ୍ୱାଗତ ସମ୍ବର୍ଦ୍ଧନା ଦେଇଥିଲେ । ଏହି କାର୍ଯ୍ୟକ୍ରମରେ ନୂଆଗାଁ ବ୍ଲକ ଜିପିଓ ସାଧୁଚରଣ ସାହୁ, ନୂଆଗାଁ ଗ୍ରାମ ପଞ୍ଚାୟତ ସରପଞ୍ଚ ଅମିତା ପରିଡା, ପଂଚାୟତ ଅଧିକାରୀ ଲଳିତା ଯାନୀ, ଇନ୍ଦିରା ଜେନା, ପ୍ରବୀଣ କୁମାର ନାୟକ ବିଭିନ୍ନ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ମାନେ ଉପସ୍ଥିତ ଥିଲେ ।