ଦଶପଲ୍ଲା : ଦଶପଲ୍ଲା ସାତପାଟଣାସ୍ଥିତ ଶ୍ରୀ ରାମ ମନ୍ଦିର ପ୍ରାଙ୍ଗଣରେ ୧୦ଦିନ ଧରି ଚାଲିଥିବା ଶ୍ରୀରାମ ଚରିତ ମାନସ ପାରାୟଣ ଓ ପ୍ରବଚନ
ଜ୍ଞାନ ଯଜ୍ଞ ଉଦଯାପିତ ହୋଇଯାଇଛି । ଏହି ଉପଲକ୍ଷେ ପ୍ରତ୍ୟହ ସନ୍ଧ୍ୟାରେ ଦୀପ ଯଜ୍ଞ ସହ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରବଚନ କାର୍ଯ୍ୟକ୍ରମରେ ବାଣୀ ସେବକ ହିମାଂଶୁ ଭୂଷଣ ମହାରାଜା, ପଣ୍ଡିତ ଅଶୋକ ଦାଶ, ପଣ୍ଡିତ ମନୋଜ ଦାଶ , ବିଜୟ ରାଘବେନ୍ଦ୍ର ଦାସ, ପଣ୍ଡିତ ଗୋପାଳ ଚନ୍ଦ୍ର ରାଜଗୁରୁ, ପଣ୍ଡିତ ଦେବରାଜ ଦାସ ପ୍ରମୁଖ ପ୍ରବଚନ ଦେଇଥିଲେ ।
ସନ୍ଧ୍ୟାରୁ ରାତ୍ର ପର୍ଯ୍ୟନ୍ତ ଏହି ପ୍ରବଚନ କାର୍ଯ୍ୟକ୍ରମ ଚାଲୁ ରହିଥିଲା । ଶହ ଶହ ଲୋକ ସମାବେତ ହୋଇ ପ୍ରବଚନ ଶ୍ରବଣ କରିଥିଲେ । ପ୍ରତ୍ୟହ ସନ୍ଧ୍ୟାରେ ବହୁ ଅତିଥି ସହ ବିଧାୟକ ରମେଶ ଚନ୍ଦ୍ର ବେହେରା ଯୋଗଦାନ କରଥିଲେ । ଉକ୍ତ କାର୍ଯ୍ୟକ୍ରମକୁ ସନାତନ ବାବା ରାମଚନ୍ଦ୍ର ସାହୁ,ମାଟିଆ ଭାଇନା ଏବଂ ଶିକ୍ଷକ ବ୍ରଜେନ୍ଦ୍ର ସାଥୁଆ ଏବଂ ଗ୍ରାମବାସୀ ପରିଚାଳନା କରିଥିଲେ । ବରିଷ୍ଠ ନାଗରିକ ମଂଚ ସଭାପତି ପ୍ରାଣବନ୍ଧୁ ବେହେରା ପ୍ରତ୍ୟହ ରାତିରେ ପ୍ରବଚନ କାର୍ଯ୍ୟକ୍ରମ ଶେଷରେ ଧନ୍ୟବାଦ ଅର୍ପଣ କରୁଥିଲେ ।