କଣ୍ଟାମାଳ : କଣ୍ଟାମାଳ ପଞ୍ଚାୟତ କଲେଜ ପରିସରରେ ଗତ ୮ ତାରିଖରୁ ଆରମ୍ଭ ହୋଇଥିବା ଆଠ ଦିନିଆ ଛାତ୍ରୀ ଆତ୍ମ ସୁରକ୍ଷା ପ୍ରଶିକ୍ଷଣ ଶିବିର ଆଜି ଉଦଯାପିତ ହୋଇଯାଇଛି । ଆଜିର ଉଦଯାପନୀ ଉତ୍ସବ କଲେଜ ଅଧ୍ୟକ୍ଷା ପ୍ରଭାସିନୀ ଖଟୁଆଙ୍କ ଅଧ୍ୟକ୍ଷତାରେ ହୋଇଥିବା ବେଳେ ମୁଖ୍ୟ ଅତିଥିଭାବେ ସଂସ୍କୃତ ବିଭାଗ ଅଧ୍ୟାପକ ପୌଲସ୍ତି ପ୍ରଧାନ ଯୋଗ ଦେଇ ମହିଳା ସୁରକ୍ଷାର ବିଭିନ୍ନ ଦିଗ ଉପରେ ଆଲୋଚନା କରିବା ସହ ଶିକ୍ଷା ଗ୍ରହଣ ସହ ଆତ୍ମ ସୁରକ୍ଷା ତାଲିମ ସେମାନଙ୍କ ପାଇଁ ଅପରିହାର୍ଯ୍ୟ ବୋଲି କହିଥିଲେ ।
ଏହି ଶିବିରରେ ଅନ୍ୟତମ ଅତିଥିଭାବେ ଅଧ୍ୟାପିକା ହରିସ୍ମା ତାଣ୍ଡିଆ, ଅମ୍ରିତା ସାହୁ, ସୁଶ୍ରୀ ଝିଲ୍ଲୀ ସାହୁ ପ୍ରମୁଖ ଯୋଗ ଦେଇଥିବା ବେଳେ ଅଧ୍ୟାପିକା ନିର୍ମଳା ଭୋଇ ଶିବିରକୁ ପରିଚାଳନା କରିଥିଲେ । ପ୍ରଶିକ୍ଷକ ଭାବେ କଳ୍ପନା ଭୋଇ ଛାତ୍ରୀମାନଙ୍କୁ ଆତ୍ମ ସୁରକ୍ଷାର ବିଭିନ୍ନ କୌଶଳ ଉପରେ ତାଲିମ ପ୍ରଦାନ କରିଥିଲେ ।