ଦଶପଲ୍ଲା : ଆଜି ବାଣିଗୋଛା ପୋଲିସ ପକ୍ଷରୁ ସ୍ଥାନୀୟ ବୀଣାପାଣି କ୍ଲବ୍ ପରିସରରେ ସାଇବର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଜିର ଏହି ସଚେତନତା କାର୍ଯ୍ୟକ୍ରମରେ ବାଣିଗୋଛା ଅଂଚଳର ଜନସାଧାରଣଙ୍କୁ ସାଇବର ଅପରାଧ ଓ ଠକେଇ ଉପରେ ସଚେତନ କରାଯାଇଥିଲା । ବାଣିଗୋଛା ଥାନା ଅଂଚଳଟି ଏକ ଆଦିବାସୀ ଅଧ୍ୟୁଷିତ ଅଂଚଳ ହୋଇଥିବାବେଳେ ଏହି ଅଂଚଳ ଲୋକଙ୍କ ସହିତ ସାଇବର ଠକେଇ ହେବାର ସଂଭାବନା ରହିଥିବାରୁ ସେଥିପ୍ରତି ସତର୍କ ରହିବାପାଇଁ, ବାଣିଗୋଛା ଥାନା ଅଧିକାରୀ ଲକ୍ଷ୍ମଣ ଦଣ୍ଡସେନା ଜନସାଧାରଣଙ୍କୁ ଅବଗତ କରିଥିଲେ । ଏସ୍ ଆଇ ପ୍ରଦୀପ ମହାପାତ୍ରଙ୍କ ସମେତ ବାଣିଗୋଛା ଥାନାର ପୋଲିସ କର୍ମଚାରୀ ମାନେ ସାଇବର ଅପରାଧ ଓ ଅପରାଧିଙ୍କ କବଳରୁ ସୁରକ୍ଷିତ ରହିବାକୁ ପରାମର୍ଶ ଦେଇଥିଲେ । ଶେଷରେ ଉପସ୍ଥିତ ଜନସାଧାରଣଙ୍କୁ ନାଚଗୀତ ମାଧ୍ୟମରେ ସାଇବର ଅପରାଧ ସମ୍ପର୍କରେ ସତେତନ କରାଯାଇଥିଲା ।