ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକରେ ପୁଷ୍ପାଞ୍ଜଳି ମହାନ୍ତି ନୂତନ ବ୍ଲକ ଶିକ୍ଷାଧିକାରୀ ଭାବେ ଯୋଗଦାନ କରିଛନ୍ତି । ପୂର୍ବରୁ ଦୀର୍ଘ ପ୍ରାୟ ଦେଢ଼ ବର୍ଷେ ହେବ ଏହି ପଦବୀ ଖାଲି ପଡ଼ିରହିଥିଲା । ଅନ୍ୟ ବ୍ଲକର କିମ୍ବା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଏହି ଦାୟିତ୍ୱ ତୁଲାଉଥିଲେ ଯଦ୍ୱାରା ବିଭିନ୍ନ ସମସ୍ୟା ଗୁଡ଼ିକର ସମାଧାନ ବିଳମ୍ବ ହେଉଥିଲା କିମ୍ବା ଅସମ୍ଭବ ହୋଇ ପଡ଼ିରହିଥିଲା । ଏବାବଦରେ ଗଣମାଧ୍ୟମରେ ମଧ୍ୟ ବାରମ୍ବାର ପ୍ରକାଶ ପାଇଥିଲା । ବିଳମ୍ବରେ ହେଲେ ସୁଦ୍ଧା ଆଜି ସ୍ଥାୟୀ ଗୋଷ୍ଠୀ ଶିକ୍ଷା ଅଧିକାରୀ ଯୋଗ ଦେଇ ଥିବାରୁ ଶିକ୍ଷା ବିଭାଗରେ ଖୁସି ସଞ୍ଚାର ହୋଇଛି । ଏହି ପରିପ୍ରେକ୍ଷୀରେ ବ୍ଲକର ଅତିରିକ୍ତ ବ୍ଲକ ଶିକ୍ଷାଧିକାରୀ ହରିହର ବେହେରା, ଉତ୍ତମା ହରିଜନ , ଧନୁର୍ଯ୍ୟୟ ମାଝୀ ପ୍ରମୁଖ ଫୁଲ ତୋଡା ଦେଇ ସ୍ୱାଗତ ଜଣାଇଥିଲେ । ଏଥି ପୂର୍ବରୁ ସେ ନବରଙ୍ଗପୁର ବ୍ଲକରେ ଅତିରିକ୍ତ ବ୍ଲକ ଶିକ୍ଷାଧିକାରୀ ଭାବେ କାର୍ଯ୍ୟରତ ଥିବା ସମୟରେ ପଦୋନ୍ନତି ପାଇ ନନ୍ଦାହାଣ୍ଡି ବ୍ଲକରେ ବ୍ଲକ ଶିକ୍ଷା ଅଧିକାରୀ ଭାବେ ଯୋଗ ଦେଇଛନ୍ତି । ଏହି ପରିପ୍ରେକ୍ଷୀରେ ନବରଙ୍ଗପୁର ବ୍ଲକ ଅତିରିକ୍ତ ଶିକ୍ଷାଧିକାରୀ ନମିତା ଘଡେ଼ଇ ଓ ସିଆର୍ସିଓ ନନ୍ଦାହାଣ୍ଡି ବ୍ଲକର ଶିକ୍ଷାଧିକାରୀଙ୍କ କାର୍ଯ୍ୟାଳୟର ସମସ୍ତ କର୍ମଚାରୀ ସହ ଶିକ୍ଷକ ଶିକ୍ଷୟିତ୍ରୀ ମାନେ ସ୍ୱାଗତ ଓ ଅଭିନନ୍ଦନ ଜଣାଇଥିଲେ ।