ଉଲୁଣ୍ଡା: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଯାଲୋଏ ପଞ୍ଚାୟତର ଖିରପୁର ନିକଟସ୍ଥ ଆଡିଆପଡା ରାସ୍ତାରୁ ଦେଶୀ ମଦ ଚାଲାଣ ବେଳେ ଜଣେ ଗିରଫ ହୋଇଛି । ଉକ୍ତ ଯୁବକ ପାଖରୁ ଶହେ ଲିଟର ଦେଶୀ ମଧ୍ୟ ଜବତ ହେବା ସହିତ ଏକ ବାଇକକୁ ମଧ୍ୟ ଜବତ କରିଛି ଅବକାରୀ ବିଭାଗ । ଗିରଫ ଯୁବକ ଜଣକ ହେଲେ ଠେଙ୍ଗୋ ଡ୍ୟାମ ଫାଣ୍ଡି ଦୁର୍ଜନତୈଲା ପଞ୍ଚାୟତ ଅନ୍ତର୍ଗତ ସାଗଯୋରି ଗ୍ରାମର ବିଶ୍ୱଜିତ ବାଘ(୨୭)ବୋଲି ଅବକାରୀ ବିଭାଗ ସୂଚନା ଦେଇଛି । ମିଳିଥିବା ସୂଚନାମତେ ଅଭିଯୁକ୍ତ ବିଶ୍ୱଜିତ ଓ ତାର ଆଉ ଜଣେ ସାଙ୍ଗ ଓଡି ୩୧ ୫୭୩୮ ନମ୍ୱର ବିଶିଷ୍ଟ ଏକ ବାଇକରେ ପ୍ରାୟେ ଶହେ ଲିଟର ଦେଶୀ ରନ୍ଧାମଦ ଧରି ସାଗାଯୋରିରୁ ଆସୁଥିଲେ । ଅବକାରୀ ବିଭାଗ କୌଣସିମତେ ସୂଚନା ପାଇ ଉଭୟଙ୍କୁ ଅଟକାଇ ଥିଲା । ସେଥିରୁ ଜଣେ ଯୁବକ ଫେରାର ମାରି ଥିବା ବେଳେ ଅଭିଯୁକ୍ତ ବିଶ୍ୱଜିତ ଧରା ପଡ଼ିଥିଲା । ଅବକାରୀ ବିଭାଗ ଉକ୍ତ ମଦ ବେପାରୀକୁ ଗିରଫ କରିଛି । ବୀରମହାରାଜପୁର ଅବକାରୀ ବିଭାଗର ଏସଆଇ ସୁମିତ୍ରା ହେମ୍ବ୍ରମଙ୍କ ନେତୃତ୍ୱରେ ଉକ୍ତ ଚଢାଉ ବେଳେ କନେଷ୍ଟବଳ ଉର୍ବୀ ମାଝୀ, ରେଣୁକା ଭୁଏ,ରାଜୀବ କୁମାର ଭଞ୍ଜ ପ୍ରମୁଖ ଉକ୍ତ ମଦ ଚଢାଉ ବେଳେ ସାମିଲ ଥିଲେ