ଦଶପଲ୍ଲା : ଦଶପଲ୍ଲା ନିର୍ବାଚନ ମଣ୍ଡଳୀର ଅନ୍ୟତମ ରାଜନୈତିକ ପ୍ରାଣକେନ୍ଦ୍ର ମଧ୍ୟଖଣ୍ଡ ଗ୍ରାମର ଗଣେଶପୂଜା କାର୍ଯ୍ୟକ୍ରମରେ ଯୋଗ ଦେଇଛନ୍ତି ଦଶପଲ୍ଲା ନିର୍ବାଚନ ମଣ୍ଡଳୀର ବିଶିଷ୍ଠ ସମାଜସେବୀ ଶ୍ରୀହରି ନାୟକ । ଆଜି ସଂଧ୍ୟା ସମୟରେ ମଧ୍ୟଖଣ୍ଡ ବଡସାହି ଗଣେଶ ପୂଜା କମିଟିର ସଭାପତି ମାନସ କୁମାର ବାରିକ୍ , ଗଣେଶ୍ୱର ବାରିକ, ବିଟନ୍ ଦଳେଇ ଓ ଅନ୍ୟାନ୍ୟ କର୍ମକର୍ତ୍ତା ମାନେ ବାଜା, ବାଣ,ରୋଷଣୀ ସହିତ ଡିଜେର ତାଳେ ତାଳେ ଶ୍ରୀ ନାୟକଙ୍କୁ ପାଛୋଟି ନେଇଥିଲେ । ଶ୍ରୀ ନାୟକଙ୍କ ସମେତ ଦଶପଲ୍ଲା ସ୍ୱାଭିମାନ ମଂଚର ଆବାହକ ପ୍ରଦେଶ ଜେନା ଓ ଅଗ୍ରଣୀ କର୍ମକର୍ତ୍ତା ସନ୍ତୋଷ କୁମାର ପ୍ରଧାନ, ମଧ୍ୟଖଣ୍ଡ ଗ୍ରାମର ବଡ଼ସାହି ପୂଜା ମଣ୍ଡପରେ ପହଞ୍ଚି ବିଘ୍ନେଶ୍ୱର, ଅଗ୍ରପୂଜ୍ୟ ଗଣନାଥଙ୍କ ଦର୍ଶନ କରିବା ସହିତ କୃପାଭିକ୍ଷା କରିଛନ୍ତି । ଏହା ପରେ ପରେ ଅନୁଷ୍ଠିତ ହେବାକୁଥିବା ସାଂସ୍କୃତିକ କାର୍ଯ୍ୟକ୍ରମ ମଂଚର ଶୁଭ ଉଦଘାଟନ କରିବା ସହିତ ଗ୍ରାମର କୁନି କୁନି କଳାକାର ମାନଙ୍କର ନୃତ୍ୟ ଉପଭୋଗ କରିଥିଲେ ।