କଟକ: କଟକ ଜଗତପୁର ଟ୍ରକ ଟର୍ମିନାଲରେ ଜଣେ ମହିଳାଙ୍କ ହତ୍ୟାକାଣ୍ଡ ଅଭିଯୋଗ ହୋଇଛି । ମହିଳା ଜଣକ ହେଉଛନ୍ତି ୫୨ ବର୍ଷିୟ କୁନି ସାହୁ। ସେ ସ୍ଥାନୀୟ ଅଞ୍ଚଳରେ ଭଡାରେ ରହୁଥିଲେ ଓ ଟ୍ରକ ଟର୍ମିନାଲରେ ଥିବା ଦୋକାନରେ ବସାଉଠା କରୁଥିଲେ। ତେବେ ଗତକାଲି ସେ ଘରକୁ ନ ଫେରିବାରୁ ପରିବାର ଲୋକ ଥାନାରେ ଏତଲା ଦେଇଥିଲେ। ପରେ ଟ୍ରକ ଟର୍ମିନାଲରେ ଥିବା ଏକ ପରିତ୍ୟକ୍ତ ଘରେ ତାଙ୍କର ଉଲଗ୍ନ ମୃତଦେହ ମିଳିଥିଲା।
ତେବେ ମହିଳାଙ୍କୁ ହତ୍ୟା କରାଯାଇଥିବା ସନ୍ଦେହ କରୁଛି ପୋଲିସ। ଶବ ବ୍ୟବଛେଦ ପାଇଁ ଏସସିବି ପଠାଯାଇଛି। ରିପୋର୍ଟ ଆସିବା ପରେ ସବୁ କିଛି ସ୍ପଷ୍ଟ ହେବ ବୋଲି ପୋଲିସ ଏସିପି କହିଛନ୍ତି ।