ଖପ୍ରାଖୋଲ : ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ପଞ୍ଚାୟତ ଅନ୍ତର୍ଗତ ବେନକେରା ଗ୍ରାମରେ ସେବା ଚାରିଟେବଲ ଟ୍ରଷ୍ଟର ସଭାପତି ସୁନୀଲ କୁମାର ସିଂହଙ୍କ ନେତୃତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ସଭାରେ ଆଖପାଖର ୧୫ ଟି ଗ୍ରାମର ଯୁବଗୋଷ୍ଠୀ ଯୋଗଦେଇଥିଲେ ଏବଂ ନିଜ ନିଜ ଗ୍ରାମର ସୁବିଧା ଅସୁବିଧା ବିଷୟରେ ଆଲୋଚନା କରିଥିଲେ । ନିଜ ଗ୍ରାମର ଅନେକ ଯୋଗ୍ୟ ହିତାଧିକାରୀ ସରକାରୀ ସାହାୟତା ପାଇବାରୁ ବଞ୍ଚିତ ଥିବାରୁ ସେମାନେ ଦୁଃଖ ପ୍ରକାଶ କରିଥିଲେ ଏବଂ ସମସ୍ତ ଯୋଗ୍ୟ ହିତାଧିକାରିଙ୍କୁ ନିକଟକୁ ସରକାରୀ ଯୋଜନା ପହଞ୍ଚାଇବା ପାଇଁ ସମସ୍ତେ ସେବା ଚାରିଟେବଲ ଟ୍ରଷ୍ଟରେ ଯୋଗଦାନ କରିଥିଲେ । ସର୍ବ ସମ୍ମତିକ୍ରମେଧର୍ମରାଜ ବରିହାଙ୍କୁ ଖପ୍ରାଖୋଲ ବ୍ଲକର ସଭାପତି, ଶଶିକାନ୍ତି ଧରୁଆଙ୍କୁ ଟ୍ରଷ୍ଟର ଉପସଭାପତି ଏବଂ ଶ୍ରୀ ବିଶ୍ୱଜିତ ପଧାନଙ୍କୁ ଟ୍ରଷ୍ଟର ସମ୍ପାଦକ ଭାବରେ ଚୟନ କରାଗଲା । ସମସ୍ତ ଯୁବଗୋଷ୍ଠୀ ମିଳିତ ଭାବରେ ଅଞ୍ଚଳର ବିକାଶ ପାଇଁ କାମ କରିବାକୁ ପ୍ରତିଜ୍ଞାବଦ୍ଧ ହୋଇଥିଲେ । ଆଗାମୀ ଦିନରେ ସାମ୍ବାଦିକ ସମ୍ମିଳନୀ କରି ଟ୍ରଷ୍ଟର କାର୍ଯ୍ୟପନ୍ଥା ବିଷୟରେ ଅବଗତ କରାଯିବ ବୋଲି ସଭାପତି ଶ୍ରୀ ସିଂହ ପ୍ରକାଶ କରିଥିଲେ ।