ପାଟଣାଗଡ଼ : ପାଟଣାଗଡ଼ ଥାନା କେରବେଡା ପଞ୍ଚାୟତ ପୁଟିସ ବାହାଲ ଗ୍ରାମର ସୁନାମଧନ୍ୟ ଦଣ୍ଡ ନୃତ୍ୟ କଳାକାର ନକୁଲ ବରିହା(୫୦) ଙ୍କ କେଲତ ସାପ କାମୁଡାରେ ପାଟଣାଗଡ଼ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି । ନକୁଲ ଘରେ ଥିବା ସମୟରେ କେଲତ ସାପଟି କାମୁଡି ଦେଇଥିଲା । ପରିବାର ଲୋକେ ସଙ୍ଗେସଙ୍ଗେ ସ୍ଥାନୀୟ ସରପଞ୍ଚଙ୍କ ପ୍ରତିନିଧି କର୍ପୁଚନ ବାଗଙ୍କ ଏକ ଗାଡ଼ିରେ ପାଟଣାଗଡ଼ ଡାକ୍ତରଖାନାକୁ ଆଣିଥିଲେ । ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ନକୁଲ ପରିବାରର ଜଣେ ଏକମାତ୍ର ରୋଜଗାର କ୍ଷମ ବ୍ୟକ୍ତି ହୋଇଥିବାରୁ ତାଙ୍କ ଅକାଳ ବିୟୋଗରେ ପରିବାର ଲୋକେ ଅସହାୟ ହୋଇପଡିଛନ୍ତି । ମୃତ ନକୁଲଙ୍କ ଗୋଟିଏ ପୁଅ, ଗୋଟିଏ ଝିଅ ଓ ତାଙ୍କ ସ୍ତ୍ରୀ ଅଛନ୍ତି । ତାଙ୍କ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଦାବୀ ହେଉଛି ।