ପାରଳାଖେମୁଣ୍ଡି: ଗଜପତି ଜିଲ୍ଲା ବିଜୁ ଯୁବ ଜନତା ଦଳର ସଭାପତି ସାସନମ ଲିଙ୍ଗରାଜ ଗୁମ୍ମା ଗ୍ରାମ ପଞ୍ଚାୟତ ର ପୂର୍ବତନ ସମିତି ସଭ୍ୟ ମନିଲାଲ୍ ଲିମାଙ୍କ ବାପାଙ୍କ ମୃତ୍ୟୁ ଯୋଗୁ ଗୁମ୍ମା ଗସ୍ତ କରି ପରିବାରର ସଦସ୍ୟମାନଙ୍କୁ ଭେଟି ସମବେଦନା ଜଣାଇଛନ୍ତି । ତତ୍ ସହିତ ସେରଙ୍ଗ ଗ୍ରାମ ପଞ୍ଚାୟତ ଗସ୍ତ କରି ଉକ୍ତ ଗ୍ରାମର ବିଜୟୱାଦା ଠାରେ ଦାଦନ ଶ୍ରମିକ ଭାବେ କାର୍ଯ୍ୟ କରି ହଠାତ୍ ଏକ ଦୁର୍ଘଟଣାରେ ଶିକାର ହୋଇ ମୃତ୍ୟୁବରଣ କରିଥିବା ରିଙ୍କୁ ଛିଞ୍ଚାଣୀଙ୍କ ପରିବାର ସଦସ୍ୟ ଓ ହାଇଦ୍ରାବାଦ ବିବି ନଗର ଷ୍ଟେସନରେ ଦୁର୍ଘଟଣା ର ଶିକାର ହୋଇ ଦୁଇଟି ଗୋଡ଼ ଓ ଗୋଟିଏ ହାତ ହରାଇଥିବା ଦାଦନ ଶ୍ରମିକ ଜେଫତ ନାଗଙ୍କୁ ଭେଟି ସମବେଦନା ଜଣାଇବା ସହ ଆର୍ଥିକ ସାହାଯ୍ୟ ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମରେ ବିଜେଡି ରାଜ୍ୟ ସମ୍ପାଦକ ପ୍ରଦୀପ ନାୟକ, ବିଜେଡି ଗୁମ୍ମା ବ୍ଲକ ଯୁବ ସଭାପତି ନୀରୋଜ କୁମାର ଷଡ଼ଙ୍ଗୀ ଓ ପଞ୍ଚାୟତର ବରିଷ୍ଠ ଓ ଯୁବ କର୍ମୀ ଉପସ୍ଥିତ ଥିଲେ ।