ହରଭଙ୍ଗା : ନେହେରୁ ଯୁବକେନ୍ଦ୍ର ବୌଦ୍ଧ ତରଫରୁ ହରଭଙ୍ଗା ବ୍ଲକ୍ର ରାମଗଡ଼ ଠାରେ ଆଜି ମିଲେଟ୍ ମେଳା ଅନୁଷ୍ଠିତ ହୋଇଯାଇଛି । ଏହି ଅବସରରେ ପ୍ରତିଭାଗୀ ଭାବରେ ମହିଳା ଜନପ୍ରତିନିଧି,ସ୍ୱୟଂ ସହାୟକ ଗୋଷ୍ଠୀର ମହିଳା,ସ୍ଥାନୀୟ କିଶୋରୀ ବାଳିକାଙ୍କ ସମତେ ଗ୍ରାମବାସୀ ଉପସ୍ଥିତି ଥିଲେ । ମୁଖ୍ୟ ଅଥିତି ଭାବରେ ରାମଗଡ଼ ଗ୍ରାମପଞ୍ଚାୟତର ସରପଞ୍ଚ ଶ୍ରୀମତୀ ପ୍ରଭାସିନୀ ଯୋଶୀ, ସମ୍ମାନିତ ଅତିଥି ଭାବରେ ସ୍ୱେଚ୍ଛାସେବୀ ଅନୁଷ୍ଠାନ ଲୋକ କଳା ବିକାଶ କେନ୍ଦ୍ରର କାର୍ଯ୍ୟକ୍ରମ ସଂଯୋଜକ ପ୍ରତାପ ମେହେର ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ପ୍ରଥମେ ସମସ୍ତଙ୍କୁ ନେଇ ଏକ ସଭା ଅନୁଷ୍ଠିତ ହୋଇଥିଲା । ସଭାରେ ମିଲେଟ୍ର ଉପକାରିତା ଏବଂ ଆବଶ୍ୟକତା ଉପରେ ଅତିଥି ମାନେ ମତାମତ ରଖିଥଲେ । ଏହି ମେଳାରେ ମିଲେଟ୍ ତିଆରି ବିଭିନ୍ନ ଖାଦ୍ୟ ସାମଗ୍ରୀ, ବିଭିନ୍ନ ପ୍ରକାରର ମିଲେଟ୍ ଜାତୀୟ ଖାଦ୍ୟଶସ୍ୟର ପ୍ରଦର୍ଶନୀ ହୋଇଥିଲା । କାର୍ଯ୍ୟକ୍ରମକୁ ନେହେରୁ ଯୁବ କେନ୍ଦ୍ର ବୌଦ୍ଧର ଜାତୀୟ ଯୁବ ସ୍ୱେଚ୍ଛାସେବୀ ସଂଯୋଜନା କରିଥିଲେ ।