ସୁବର୍ଣ୍ଣପୁର : ସୋନପୁର ସହରରେ କ୍ରମାଗତ ଭାବରେ ଚୋରି ବୃଦ୍ଧି ପାଉଛି । ସେହିକ୍ରମରେ ଗତରାତି ସହରର ୱାର୍ଡ଼ ନଂ ୧ ସ୍ଥିତ ରାମକୃଷ୍ଣ ନଗରରୁ ଘରର ମୁଖ୍ୟ ଗେଟଭାଙ୍ଗି ଏକ ରୟାଲ ଏନଫିଲ୍ଡ କ୍ଲାସିକ୍ ୩୫୦ ମଡେଲର ଏକ ବୁଲେଟ ମଟର ସାଇକେଲ୍ ଚୋରି ହୋଇଥିବାର ସୋନପୁର ଥାନାରେ ଏକ ଲିଖିତ ଅଭିଯୋଗ କରାଯାଇଛି । ଅଭିଯୋଗଟି ସେଠାକାର ରମ୍ୟରଞ୍ଜନ ମିଶ୍ର ନାମକ ଏକ ଯୁବକ କରିଛନ୍ତି । ତାଙ୍କ ହିସାବରେ ଉକ୍ତ ଦିନ ସେ ତାଙ୍କର ଶ୍ୱଶୁର ଘର ରେଢାଖୋଲକୁ ଯାଇଥିଲେ । ଘରେ ତାଙ୍କର ମା ଓ ବାପା ଉପସ୍ଥିତ ଥିଲେ । ସକାଳୁ ତାଙ୍କର ମା’ ଯେତେବେଳେ ଦେଖିଲେ ତାଙ୍କର ମେନ୍ ଗେଟର ତାଲା ଭଙ୍ଗା ଅଛି ଓ ବୁଲେଟ ମଟସାଇକେଲଟି ନାହିଁ ତା’ପରେ ସେମାନେ ତାଙ୍କର ପୁଅକୁ ସଙ୍ଗେସଙ୍ଗେ ଖବର ଦେଲେ ଓ ପୁଅ ମଧ୍ୟ ଆସି ପାଖ ପଡୋଶୀଙ୍କୁ କହିବା ସହ ଖୋଜାଖୋଜି କଲେ ହେଲେ ବୁଲେଟର କିଛି ସୁରାକ ନ ମିଳିବାରୁ ସେ ଥାନାର ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଛନ୍ତି ।