ପୁରୀ: ନୂଆବର୍ଷରୁ ଭକ୍ତଙ୍କ ପାଇଁ ଲାଗୁ ହେବ ନୂଆ କଟକଣା । ନୂଆବର୍ଷ ପହିଲାରୁ ଶାଳୀନତା ଭାବେ ପୋଷାକ ପରିଧାନ ନକଲେ ଭକ୍ତଙ୍କୁ ଜଗା ଦର୍ଶନ ମନା । ଏଭଳି ନିଷ୍ପତ୍ତି କିଛିଦିନ ପୂର୍ବରୁ ଶ୍ରୀମନ୍ଦିର ପ୍ରଶାସନ ନେଇଥିବା ବେଳେ ଆଜି ସେବାୟତ ମାନେ କିଛି ଭକ୍ତଙ୍କୁ ଧୋତି ପିନ୍ଧାଇ ସଚେତନ କରି ଶ୍ରୀମନ୍ଦିର ଭିତରକୁ ଛାଡିଛନ୍ତି । କିଛି ଭକ୍ତମାନେ ଆଜି ହାପ୍ ପ୍ୟାଣ୍ଟ ପିନ୍ଧି ଶ୍ରୀମନ୍ଦିର ଭିତରକୁ ପ୍ରବେଶ ପାଇଁ ଯିବାବେଳେ ସୁରକ୍ଷାକର୍ମୀ ଓ ସେବାୟତ ସେମାନଙ୍କୁ ଅଟକାଇ ଧୋତି ପିନ୍ଧାଇ ମନ୍ଦିର ଭିତରକୁ ଛାଡିଥିଲେ । ଉପସ୍ଥିତ ଥିବା ଅନେକ ଶ୍ରଦ୍ଧାଳୁ ଏଭଳି ଦୃଶ୍ୟ ଦେଖି ଆଶ୍ଚର୍ଯ୍ୟ ହେବାସହ ସେବାୟତଙ୍କ ଦ୍ୱାରା ଧୋତି ପିନ୍ଧିଥିବାକୁ ଭକ୍ତମାନେ ସ୍ୱାଗତ କରିଥିଲେ ।