ହରଭଙ୍ଗା :ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଜର୍ଣ୍ଣାଲିଷ୍ଟ ଆସୋସିଏସନ (ଏଚ୍ବିଜେଏ)ର ଲୋଗୋ ଜିଲ୍ଲାର ଅଧିଷ୍ଠାତ୍ରୀ ଦେବୀ ପୁରୁଣାକଟକ ବାସିନୀ ମା’ ଭୈରବୀଙ୍କ ପୀଠରେ ବରିଷ୍ଠ ସାମ୍ବାଦିକ ଚିତ୍ତରଞ୍ଜନ ସିଂଙ୍କ ଅଧ୍ୟକ୍ଷତରେ ଉନ୍ମୋଚିତ ହୋଇଯାଇଛି । ପ୍ରଥମେ ମା’ ଭୈରବୀଙ୍କ ପୂଜା ଅର୍ଚ୍ଚନା ପରେ ଲୋଗୋ ଉନ୍ମୋଚନ କରି ଶ୍ରୀ ସିଂ ବ୍ଲକର ଉନ୍ନତିମୂଳକ କାର୍ଯ୍ୟକୁ ନେଇ ବ୍ଲକ ପ୍ରଶାସନ ସହିତ ସାକ୍ଷାତ ଆଲୋଚନା କରି ସମସ୍ୟାର ସମାଧାନ କିପରି ହୋଇପାରିବ ତା’ ଉପରେ ମତ ପ୍ରକାଶ କରିଥିଲେ । ସାମ୍ବାଦିକ ସୁକାନ୍ତ ପଟ୍ଟନାୟକ ଉକ୍ତ ସଂଘକୁ କିପରି ମଜଭୁତ କରି ଜନସାଧାରଣଙ୍କ ସମସ୍ୟାକୁ ବ୍ଲକ, ଜିଲ୍ଲା ଓ ରାଜ୍ୟ ସ୍ତରରେ ପହଞ୍ଚାଇ ସମାଧାନ କରିବା ଏବଂ ଖୁବ ଶୀଘ୍ର ସଂଘର ନୂତନ କର୍ମକର୍ତ୍ତା ଚୟନ କରିବା ଉପରେ ବିଶେଷ ଆଲୋଚନା କରିଥିଲେ । ଉକ୍ତ କାର୍ଯ୍ୟକ୍ରମରେ ବ୍ଲକର ବରିଷ୍ଠ ସାମ୍ବାଦିକ ବନମାଳୀ ପ୍ରଧାନ, ସୁରେନ ପ୍ରଧାନ, ବିଭୁଦତ୍ତ ବୋଷ, ସାମ୍ବାଦିକ ଭାଗବତ ମେହେର, ସିମୁନ ନାଏକ, ସୁଶାନ୍ତ କୁମାର ବେହେରା, ଧିରେନ ପ୍ରଧାନ, କୁମୁଦ ଚନ୍ଦ୍ର ସାହୁ, ସଦାନନ୍ଦ ନାଏକ, ଶଶୀ ଭୂଷଣ ସାହୁ, ପ୍ରଭାତ ନାଏକ ଉପସ୍ଥିତ ରହିଥିଲେ ।