ସୁବର୍ଣ୍ଣପୁର : ଜିଲ୍ଲା ଆଞ୍ଚଳିକ ପରିବହନ ବିଭାଗ ପକ୍ଷରୁ ପାଳିତ ସଡ଼କ ସୁରକ୍ଷା ସପ୍ତାହ ୨୦୨୪ ଆଜି ପରିବହନ ବିଭାଗ ଅଫିସ୍ ଠାରେ ଉଦଯାପିତ ହୋଇଯାଇଛି । ଏହି ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ଜିଲ୍ଲାପାଳ ବିମଳେନ୍ଦୁ ରାୟ, ସମ୍ମାନୀତ ଅତିଥି ରୂପେ ଏଡିଏମ୍ ସୂର୍ଯ୍ୟ ନାରାୟଣ ଦାଶ, ଅତିରିକ୍ତ ଏସପି ହେମନ୍ତ ପାଢ଼ୀ ଏବଂ ଏମଭିଆଇ ବିଶ୍ୱ ରଂଜନ ସାହୁ ଯୋଗ ଦେଇ ସଡ଼କ ସୁରକ୍ଷା ଉପରେ ସଚେତନତା ବାର୍ତ୍ତା ପ୍ରଦାନ କରି ସଡ଼କ ସୁରକ୍ଷା ନିୟମ ମାନି ନିଜର ବହୂ ମୂଲ୍ୟ ଜୀବନ ସହିତ ଅନ୍ୟର ଜୀବନ ବଞ୍ଚାଇବାକୁ ସମସ୍ତଙ୍କୁ ପରାମର୍ଶ କରିଥିଲେ । ସଭାକୁ କୋଶଳ ହାଇସ୍କୁଲ ଛାତ୍ରୀ ଓ ଶିକ୍ଷୟତ୍ରୀ ପରିଚାଳନା କରିଥିବା ବେଳେ ମନୋରଞ୍ଜନ ଦାଶ ଧନ୍ୟବାଦ ଅର୍ପଣ କରିଥିଲେ । ସପ୍ତାହ ବ୍ୟାପୀ ଏହି ଅବସରରେ ଟାଉନ୍ ତଥା ସମସ୍ତ ବ୍ଲକ ମାନଙ୍କର ୫ ଟି ସ୍କୁଲ ମାନଙ୍କରେ ଭିଡ଼ିଓ ମାଧ୍ୟମରେ ଓ ବିଭିନ୍ନ ସଚେତନତା କାର୍ଯ୍ୟକ୍ରମ ମାଧ୍ୟମରେ ଲୋକଙ୍କୁ ସଚେତନ କରାଯାଇଛି । ଟିଏସଆଇ ପୂଜା ଭାଂଗ୍ରା, ଆନନ୍ଦ ମିଶ୍ର, ଚିତ୍ତରଂଜନ ଭୋଇ, ହିମାଂଶୁ ସାହୁ, ପୁନମ ପଣ୍ଡା, ଅବିନାଶ ଭୁଏ, ମଳୟ ପାଣିଗ୍ରାହୀ, ପଞ୍ଚାନନ ଦଳାଇ ପ୍ରମୁଖ ସମସ୍ତ କର୍ମଚାରୀ ସହଯୋଗ କରିଥିଲେ ।