ନୂଆପଡ଼ା: ନୂଆପଡ଼ା ଜିଲ୍ଲା ଧରମବନ୍ଧା ଥାନା ପତୋରା ପାଣିଟାଙ୍କି ନିକଟରେ ଦୁଇ ବାଇକ ମୁହାଁମୁହିଁ ହୋଇଛି । ଏଥିରେ ଚୁଲାଭାଟ ସମିତିସଭ୍ୟାଙ୍କ ସ୍ୱାମୀ ଜୟ ସାହୁଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ଅନ୍ୟ ୫ଜଣ ଆହତ ହୋଇଛନ୍ତି । ସୂଚନା ଅନୁସାରେ, ଆଜି ପତୋରା ପାଣିଟାଙ୍କି ନିକଟରେ ବାଇକ ମୁହାଁମୁହିଁ ଧକ୍କା ହୋଇଥିଲା । ଏଥିରେ ଚୁଲାଭାଟ ସମିତିସଭ୍ୟାଙ୍କ ସ୍ୱାମୀଙ୍କ ସମେତ ଆମସେନା ପଞ୍ଚାୟତ ଠେଲକୋ ବେଡ଼ା ଗାଁର ମୋହିତ ସତନାମୀ ଓ ଭାଗବତ ସତନାମୀ, ପଣ୍ଡିପାଣି ଗାଁର ରାଜେଶ ମାଝି, କଲ୍ୟାଣପୁର ଗାଁର ସୋନୁ ସେଠୀ ଓ ଖୁଟମନଭେରା ଗାଁର ସାଇକଲ ଆରୋହୀ ମେହତର ହରିଜନ ଗୁରୁତର ଆହତ ହୋଇଥିଲେ । ଧରମବନ୍ଧା ଆଇଆଇସି ବିନୋଦ ବିହାରୀ ସେଠୀଙ୍କ ନେତୃତ୍ୱରେ ପୁଲିସ ଟିମ୍ ପହଞ୍ଚି ସ୍ଥାନୀୟ ଲୋକଙ୍କ ଦୁଇ ସହାୟତାରେ ଜିଲ୍ଲା ମୁଖ୍ୟ ୬ଜଣ ଦୁର୍ଘଟଣାଗ୍ରସ୍ତଙ୍କୁ ଉଦ୍ଧାର କରି ଚିକିତ୍ସାଳୟରେ ଭର୍ତ୍ତି କରିଥିଲେ । ଏଠାରେ ଜୟଙ୍କୁ ଡାକ୍ତର ମୃତ ଘୋଷଣା କରିଥିଲେ । ଅପରାହ୍ନରେ ଠେଲକୋବେଡା ଗାଁର ମୋହିତଙ୍କ ସ୍ୱାସ୍ଥ୍ୟବସ୍ଥା ସଂକଟାପନ୍ନ ହେବାରୁ ରାୟପୁର ସ୍ଥାନାନ୍ତର କରାଯାଇଛି । ଏବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଅନ୍ୟ ୪ଜଣ ଯୁବକ ଚିକିତ୍ସିତ ହେଉଛନ୍ତି । ସନ୍ଧ୍ୟାରେ ପୁଲିସ ଜୟଙ୍କ ମୃତଦେହ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ମୋହିତଙ୍କ ସ୍ୱାସ୍ଥ୍ୟବସ୍ଥା ସଂକଟାପନ୍ନ ହେବାରୁ ରାୟପୁର ସ୍ଥାନାନ୍ତର କରାଯାଇଛି । ଏବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଅନ୍ୟ ୪ଜଣ ଯୁବକ ଚିକିତ୍ସିତ ହେଉଛନ୍ତି । ସନ୍ଧ୍ୟାରେ ପୁଲିସ ଜୟଙ୍କ ମୃତଦେହ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି ।