ଜହ୍ନାପଙ୍କ :ବୌଦ୍ଧ ବ୍ଳକ ବିଜାପଦର ଆଞ୍ଚଳିକ ସାଧନ କେନ୍ଦ୍ର ଅନ୍ତର୍ଗତ ବ୍ରାହ୍ମଣୀପାଲି ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବ୍ରାହ୍ମଣୀପାଲି ପଂଚାୟତର ସରପଞ୍ଚ ଅରୁଣ କୁମାର ବାଘ, ସମ୍ମାନିତ ଅତିଥି ଭାବେ ବ୍ରାହ୍ମଣୀପାଲି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୁବାଷ ମହାକୁଡ଼, ସିଆରସିସି ରବିନ୍ଦ୍ର ଦେହୁରୀ, ୱାର୍ଡ ସଭ୍ୟ କୁନା ପ୍ରଧାନ, ଏସ୍ଏମ୍ସି ସଭାପତି ସୁଧୀର ବାରିକ ଓ ସଭ୍ୟ ସଭ୍ୟା ଯୋଗ ଦେଇ ଥିଲେ । ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଧାନ ଶିକ୍ଷକ ପ୍ରହଲ୍ଲାଦ ଯୋଶୀ ଦେଇଥିବା ବେଳେ ଶିକ୍ଷକ ଗଙ୍ଗାଧର ସାହୁ ମଞ୍ଚ ପରିଚାଳନା କରିଥିଲେ । ଶିକ୍ଷକ ସଂଜୟ ମଲ୍ଲିକ ଧନ୍ୟବାଦ ଅର୍ପଣ କରିଥିଲେ । ଅନୁଷ୍ଠିତ ବିଭିନ୍ନ ଖେଳ ଓ ସାଂସ୍କୃତିକ କାର୍ଯ୍ୟକ୍ରମ ଛାତ୍ର ଛାତ୍ରୀଙ୍କ ଦ୍ୱାରା ଅନୁଷ୍ଠିତ ହୋଇଥିଲା । ଖେଳ ଶିକ୍ଷୟତ୍ରୀ ବନ୍ଦିତା ବିଶ୍ୱାଳ ଓ ଶିକ୍ଷକ ମାନେ ସହଯୋଗ କରିଥିଲେ ।