ନୂଆପଡା : ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକର ୨୬ଟି ଗ୍ରାମ ପଞ୍ଚାୟତର ଆଜି ନୂତନ ଭାବରେ ଭତ୍ତା ପ୍ରଦାନ କରାଯାଇଛି । ବ୍ଲକ ସଭାଗୃହରେ ଏନେଇ ଅନୁଷ୍ଠିତ ସଭାରେ ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳି ନନ୍ଦ, ବ୍ଲକ ଉପାଧ୍ୟକ୍ଷ ଗୌତମ ତାଣ୍ଡି, ବିଧାୟକ ପ୍ରତିନିଧି ଅକ୍ଷୟ ନନ୍ଦ ଗୋଷ୍ଠୀ ଉନ୍ନୟନ ଅଧିକାରୀ ବୀରସେନ ବେହେରା ଯୋଗଦେଇ ହିତାଧିକାରୀ ମାନଙ୍କୁ ଭତ୍ତା ପ୍ରଦାନ କରିଥିଲେ । ମୋଟ ୧୪୩ ଜଣଙ୍କୁ ଭତ୍ତା ଦିଆଯାଇଥିଲା । ସେମାନଙ୍କୁ ମଧ୍ୟରୁ ୧୫ ଜଣ ବିଧବା ଭତ୍ତା ପାଇଥିବା ବେଳେ ଦିବ୍ୟାଙ୍ଗ ଭତ୍ତା ଚାରିଜଣ ଓ ବାର୍ଦ୍ଧ୍ୟକ ଭତ୍ତା ୧୨୪ ଜଣ ପାଇଥିଲେ । ବ୍ଲକର କୌଣସି ଯୋଗ୍ୟ ହିତାଧିକାରୀ ସାମାଜିକ କଲ୍ୟାଣ ଯୋଜନାରୁ ବଂଚିତ ହେବେନାହିଁ ବୋଲି ବ୍ଲକ ଅଧ୍ୟକ୍ଷା ଓ ବିଡ଼ିଓ କହିଥିଲେ ।