ହରଭଙ୍ଗା: ହରଭଙ୍ଗା ବ୍ଲକ ଅନ୍ତର୍ଗତ ସଙ୍କୁଲୋଇ ସେବା ସମବାୟ ସମିତିର ନୂତନ ସଭାପତି ଭାବେ ରଶ୍ମିତା ମହାକୁଡ଼ ଆଜି ଦାୟିତ୍ୱ ଗ୍ରହଣ କରିଛନ୍ତି । ପ୍ରକାଶ ଥାଉକି ଚଳିତ ମାସ ଜୁଲାଇ ୧୦ତାରିଖ ଦିନ ଏହି ସେବା ସମବାୟ ସମିତିର ନିର୍ବାଚନ ଅନୁଷ୍ଠିତ ହୋଇଥିଲା ।ଏହି ନିର୍ବାଚନରେ ରଶ୍ମିତା ମହାକୁଡ଼ ସଭାପତି ଭାବେ ନିର୍ବାଚିତ ହୋଇଥିଲେ । ଆଜି ସେ ସଭାପତି ଭାବେ ଦାୟିତ୍ୱ ଗ୍ରହଣ କରିଛନ୍ତି । ଏହି ଦାୟିତ୍ୱ ଗ୍ରହଣ ଉତ୍ସବରେ ସେବା ସମବାୟ ସମିତିର ସମ୍ପାଦକ ସଞ୍ଜୟ ଗାଈଗୌରିଆଙ୍କ ସମେତ ସମସ୍ତ ନିର୍ଦ୍ଦେଶକ, ସଭ୍ୟ ସତ୍ୟବାଦୀ ଚାଉଳିଆଙ୍କ ସମେତ ବହୁସଭ୍ୟ ସଭ୍ୟା ଯୋଗ ଦେଇଥିଲେ । ସୂଚନା ଥାଉକି ଶ୍ରୀମତୀ ମହାକୁଡ଼ ପୂର୍ବରୁ ବ୍ଲକ ଉପାଧ୍ୟକ୍ଷ, ଏବେ ସଂକୁଲୋଇ ପଂଚାୟତର ସମିତି ସଭ୍ୟ ଅଛନ୍ତି । ଶ୍ରୀମତୀ ମହାକୁଡ଼ କହିଛନ୍ତି ଯେ ସମିତିରେ ଦଲାଲଗିରି ହଟି ସବୁ ଚାଷୀ ଭାଇ ମାନେ ଉଚିତ ନ୍ୟାୟ ପାଇବେ ବୋଲି ପ୍ରକାଶ କରିଛନ୍ତି ।