ସୁବର୍ଣ୍ଣପୁର:ରାଜ୍ୟ ନିର୍ବାଚନ ଆୟୋଗଙ୍କ ବିଜ୍ଞପ୍ତି ସଂଖ୍ୟା ୨୭୪ ତା ୧୧.୦୧.୨୦୨୨ ପ୍ରକାରେ ସୁବର୍ଣ୍ଣପୁର ଜିଲ୍ଲା ପରିଷଦର ପ୍ରଥମ ବୈଠକ ସ୍ଥାନୀୟ ଜିଲ୍ଲା ପରିଷଦ ସଭା କକ୍ଷ ଠାରେ ଜିଲ୍ଲାପାଳ ସୁବର୍ଣ୍ଣପୁରଙ୍କ ବିଜ୍ଞପ୍ତି ସଂଖ୍ୟା ୩୭୨/ଗ୍ରା.ପ., ତା ୨୮.୦୨.୨୦୨୨ରିଖ ପ୍ରକାରେ ପ୍ରାଧୃକୃତ ନିର୍ବାଚନ ଅଧିକାରୀ ସୂର୍ଯ୍ୟନାରାୟଣ ଦାଶ, ଓ.ପ୍ର.ସେ. (ଏସ୍.ଏ.ଜି), ଅତିରିକ୍ତ ଜିଲ୍ଲାପାଳଙ୍କ ଅଧ୍ୟକ୍ଷତାରେ ନିର୍ଦ୍ଧାରିତ ସମୟରେ ଅନୁଷ୍ଠିତ ହୋଇଥିଲା । ବୈଠକ ପ୍ରାରମ୍ଭରେ ସୁବର୍ଣ୍ଣପୁର ଜିଲ୍ଲାପାଳ ଶ୍ରୀମତୀ ଅବୋଲୀ ସୁନିଲ ନରୱଣେ ଜିଲ୍ଲାର ୧୩ ଗୋଟି ଜିଲ୍ଲା ପରିଷଦ ଜୋନରୁ ନବ ନିର୍ବାଚିତ ହୋଇ ଆସିଥିବା ଜିଲ୍ଲା ପରିଷଦ ସଭ୍ୟ /ସଭ୍ୟା ଙ୍କୁ ଶୁଭେଚ୍ଛା ଜଣାଇବା ସହ ଶପଥ ପାଠ କରାଇଥିଲେ । ପରେ ପରେ ଓଡିଶା ନିର୍ବାଚନ ଆୟୋଗଙ୍କ ବିଜ୍ଞପ୍ତି ଅନୁସାରେ ସୁବର୍ଣ୍ଣପୁର ଜିଲ୍ଲା ପରିଷଦର ସଭାପତି ନିର୍ବାଚନ ପ୍ରାଧିକୃତ ନିର୍ବାଚନ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶଙ୍କ ପରିଚାଳନାରେ ଅନୁଷ୍ଠିତ ହୋଇଥିଲା । ନିଦ୍ଧାରିତ ସମୟାନୁସାରେ ଜିଲ୍ଲା ପରିଷଦ ଅଧ୍ୟକ୍ଷ ନିମନ୍ତେ ମନୋୟନ ପତ୍ରର ପ୍ରଦାନ ଏବଂ ତାର ଉପସ୍ଥାପନା, ମନୋୟନ ପତ୍ର ଯାଞ୍ଚ/ତନଖୀ ପ୍ରଭୁତି ଅନୁଷ୍ଠିତ ହୋଇଥିଲା । ଜିଲ୍ଲାପରିଷଦ ଅଧ୍ୟକ୍ଷ ନିର୍ବାଚନ ନିମନ୍ତେ ବିଜୁ ଜନତା ଦଳ ତରଫରୁ ମନୋୟନ ପତ୍ର ଉପସ୍ଥାପନର ନିର୍ଦ୍ଧାରିତ ସମୟରେ କେବଳ ଶ୍ରୀମତୀ ସୁପାର ଠେଲାଙ୍କ ମନୋନୟନ ପତ୍ର ନିର୍ବାଚନ ଅଧିକାରୀଙ୍କ ଠାରେ ଉପସ୍ଥାପନା କରାଯାଇଥିଲା । ନିର୍ଦ୍ଧାରୀତ ସମୟ ମଧ୍ୟରେ ମନୋୟନ ପତ୍ର ତନଖି କରାଯାଇ ଠିକ ଥିବାରୁ ଶ୍ରୀମତୀ ସୁପାର ଠେଲାଙ୍କ ସପକ୍ଷରେ ପ୍ରଦତ୍ୱ ସୁବର୍ଣ୍ଣପୁର ଜିଲ୍ଲା ପରିଷଦ ସଭାପତି ପଦବୀ ନିମନ୍ତେ ମନୋୟନ ପତ୍ରକୁ ନିର୍ବାଚନ ଅଧିକାରୀ କାଏମ ରଖୁଥିଲେ । ପ୍ରାର୍ଥୀତ୍ୱ ପ୍ରତ୍ୟାହାର ସମୟ ଅତିକ୍ରାନ୍ତ ହେବାପରେ ଯେହେତୁ ଶ୍ରୀମତୀ ସୁପାର ଠେଲାଙ୍କ ଦ୍ୱାରା ପ୍ରଦତ୍ତ ପ୍ରାର୍ଥୀ ପତ୍ର ପ୍ରତ୍ୟାହୃତ ହୋଇନାହିଁ,ଏଣୁ ଶ୍ରୀମତୀ ସୁପାର ଠେଲା, ସୁବର୍ଣ୍ଣପୁର-୦୩ ଡୁଙ୍ଗୁରିପାଲି- ୦୧ ନିର୍ବାଚନ ମଣ୍ଡଳୀର ଜିଲ୍ଲା ପରିଷଦ ସଭ୍ୟା ଙ୍କୁ ପ୍ରାଧିକୃତ ନିର୍ବାଚନ ଅଧିକାରୀ,ଓଡିଶା ଜିଲ୍ଲା ପରିଷଦ ନିର୍ବାଚନ ନିୟମ ୧୯୯୪ ର ନିୟମ ୫୦(୧)ର ବ୍ୟବସ୍ଥାନୁସାରେ ସୁବର୍ଣ୍ଣପୁର ଜିଲ୍ଲା ପରିଷଦର ସଭାପତି ଭାବରେ ନିର୍ବିରୋଧ ନିର୍ବାଚିତ ଘୋଷଣା କରିଥିଲେ । ସଭାପତିଙ୍କ ନାମ ଘୋଷଣା ହେଲା ପରେ ଜିଲ୍ଲାପାଳ ସୁବର୍ଣ୍ଣପୁର ଶ୍ରୀମତୀ ନରୱଣେ ନୂତନ ଜିଲ୍ଲା ପରିଷଦ ସଭାପତି ଭାବେ ଶ୍ରୀମତୀ ଠେଲାଙ୍କୁ ଜିଲ୍ଲା ପ୍ରଶାସନ ତରଫରୁ ଶୁଭେଚ୍ଛା ଜଣାଇବା ସହିତ ଶପଥ ପାଠ କରାଇଥିଲେ । ଆଜିର ବୈଠକକୁ ଅମୁଲ୍ୟ କୁମାର ନନ୍ଦ, ଜିଲ୍ଲା ପଞ୍ଚାୟତ ଅଧିକାରୀ ସଂଯୋଜନା କରିଥିଲେ । ନିର୍ବାଚନ ସମୟରେ ତହସିଲଦାର ସୋନପୁର ନବୀନ କିଶୋର ପାଢ଼ୀ ଉପସ୍ଥିତ ଥିଲେ । ଆଜିର ଏହି ସ୍ୱତନ୍ତ୍ର ତଥା ପ୍ରଥମ ଜିଲ୍ଳା ପରିଷଦ ବୈଠକରେ ନବ ନିର୍ବାଚିତ ସଦସ୍ୟ /ସଦସ୍ୟା ଶ୍ରୀମତୀ ବିଜୟଲକ୍ଷ୍ମୀ ତରାଇ,ଝସକେତନ ବଘାର,ଶ୍ରୀମତୀ ମଞ୍ଜୁଶ୍ରୀ ମାଝି,ଗଣେଶ ଚନ୍ଦ୍ର ଭୋଇ,ଶ୍ରୀମତୀ ଅଞ୍ଜଳୀ କମ୍ପ,ଶ୍ରୀମତୀ ଶକୁନ୍ତଳା ପୃଷ୍ଟି, ସୁଶ୍ରୀ ପ୍ରମିଳା କଲତା, ଶ୍ରୀ ବଶିଷ୍ଠ ଭରାସାଗର, ଶ୍ରୀ ଲବ କୁମାର ସାହୁ,ଶ୍ରୀମତୀ ଚନ୍ଦ୍ରକାନ୍ତି ଦନ୍ତା,ଶ୍ରୀମତୀ ସସ୍ମିତା ମହାନ୍ତି, ମଧୁସୂଦନ ହୋତା ପ୍ରମୁଖ ଉପସ୍ଥିତ ଥିଲେ । ଶେଷରେ ଜିଲ୍ଲା ପଂଚାୟତ ଅଧିକାରୀ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।