ପୁରୀ : ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ ସାତପଡ଼ା ଅବକାରୀ ଥାନା ଭାରପ୍ରାପ୍ତ ଅଧିକାରୀ ରଙ୍କନିଧି ମଲ୍ଲିକଙ୍କ ନେତୃତ୍ୱରେ ଏକ ଟିମ କଣାସ ଥାନା ଅଧୀନ ବେଣାଗାଁ ଦୟାବିହାର କଲେଜ ନିକଟରେ ଚଢ଼ାଉ କରି ରଙ୍କନିଧି ପ୍ରଧାନ(୪୪)ଙ୍କୁ ଗିରଫ କରିଛନ୍ତି । ତାଙ୍କ ନିକଟରୁ ୧୪ କେଜି ଗଞ୍ଜେଇ ସହିତ ଏକ ବଜାଜ ପଲସର ଗାଡ଼ି ନମ୍ବର ଓଆର ୦୫ ଏକେ୦୯୯୫ ଜବତ କରାଯାଇଛି । ସାତପଡା ଅବକାରୀ ଥାନା କେସ ନଂ :- ୬୩/୨୩-୨୪ରେ କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ପୁରୀ କାରାଗାରକୁ ପଠାଯାଇଛି । ଜବତ ଗଞ୍ଜେଇ ମୂଲ୍ୟ ପ୍ରାୟ ୧,୪୦,୦୦୦ ଟଙ୍କାରୁ ଉର୍ଦ୍ଧ୍ୱ ହେବ ।