ସୁବର୍ଣ୍ଣପୁର : ଆଜି ଅପରାହ୍ନରେ ସୁବର୍ଣ୍ଣପୁର ଜିଲ୍ଲା ସଦର ବଡ଼ବଜାର ସ୍ଥିତ ଅନ୍ନପୂର୍ଣ୍ଣା କ୍ଲଥଷ୍ଟୋରରେ ଆକସ୍ମିକ ଭାବେ ନିଆଁଲାଗି ଆନୁମାନିକ ୫୦ଲକ୍ଷ ଟଙ୍କାରୁ ଉର୍ଦ୍ଧ୍ୱ ଟଙ୍କାର ଲୁଗା ପୋଡ଼ି ଯାଇ ସଂପୂର୍ଣ୍ଣ ଭାବରେ ଭଷ୍ମୀଭୂତ ହୋଇଯାଇଛି । ଅଗ୍ନିକାଣ୍ଡର ମାତ୍ରା ଏତେ ଭୟଙ୍କର ଥିଲା ଯେ ୨ଟି ଦମକଳ ଗାଡ଼ିରେ ଅଗ୍ନିଶମ କର୍ମଚାରୀ ପହଞ୍ଚି ଅକ୍ଲାନ୍ତ ପରିଶ୍ରମରେ ନିଆଁକୁ ଆୟତ୍ତ କରିବାରେ ସକ୍ଷମ ହୋଇଥିଲେ । ଦୋକାନରେ ଥିବା ଲକ୍ଷାଧିକ ଟଙ୍କାର କପଡା ସଂପୂର୍ଣ୍ଣ ଜଳିପୋଡି ନଷ୍ଟ ହୋଇଯାଇଛି । ଦୋକାନରେ ଥିବା ସିସିଟିଭି ବକ୍ସରୁ ସର୍ଟ ସର୍କିଟ ହୋଇ ଖୁବ କମ ସମୟ ଭିତରେ ଦୋକାନର ତଳ ମହଲା ଓ ଉପରମହଲାକୁ ନିଆଁ ଲାଗି ଯାଇଥିଲା । ପ୍ରକାଶ ଯୋଗ୍ୟଯେ ମଧ୍ୟାହ୍ନରେ ଦୋକାନ ମାଲିକ ଅମିତ ଅଗ୍ରୱାଲ ଦୋକାନ ବନ୍ଦ କରି ତାଙ୍କ ଥନାପତିପଡାସ୍ଥିତ ବାସଭବନକୁ ଚାଲିଯାଇଥିଲେ ହେଲେ, ଦିନ ୨.୩୦ରେ ଦୋକାନ ସଟର ଭିତରୁ ଧୁଆଁ ବାହାରୁଥିବା ଦେଖି ଲୋକେ ତାଙ୍କୁ ଖବର ଦେଇଥିଲେ ।