ଘୁ.ଉଦୟଗିରି :- ସ୍ଥାନୀୟ ବ୍ଲକ ଅନ୍ତର୍ଗତ କଳିଙ୍ଗା ପଞ୍ଚାୟତର ଜିପିଏଲଏ ଗ୍ରୁପର ମହିଳାମାନଙ୍କ ଦ୍ୱାରା ସଭାପତି ଭାରତୀ ପ୍ରଧାନ ଓ ସମ୍ପାଦିକା ନୀଳମା ଦିଗାଲଙ୍କ ସଭାପତିତ୍ୱରେ କଳିଙ୍ଗା ଛକ ପରିସରରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ ଗ୍ରୁପ ମହିଳାମାନଙ୍କ ଦ୍ୱାରା ଛକ ନିକଟ ସମସ୍ତ ଘର ଦୋକାନ ପାଖାପାଖି ସମସ୍ତ ଅଳିଆ ଆବର୍ଜନା ସଫା କରିବା ସହ ସମସ୍ତ ଦୋକାନୀ ଓ ବାସିନ୍ଦା ମାନଙ୍କୁ ସଚେତନ କରିବା ସହ ଅଳିଆ ଆବର୍ଜନା କୁଣ୍ଡରେ ପକେଇବା ପାଇଁ ଅନୁରୋଧ କରିଥିଲେ । ମୁଖ୍ୟତଃ ଛକ ମଧ୍ୟରେ ରହିଥିବା ବିଶ୍ରାମଗାର ବହୁତ୍ ଅପରିଷ୍କାର ହୋଇଥିଲା ତାହା ସଫା କରିଥିବା ବେଳେ ସମସ୍ତ ଯାତ୍ରୀ ବା ପର୍ଯ୍ୟଟକ ମାନେ ଯେପରି ନିଜ ଲକ୍ଷ୍ୟ ସ୍ଥଳକୁ ଯିବା ନିମନ୍ତେ ସୁସ୍ଥ ପରିବେଶ ମଧ୍ୟରେ ବସକୁ ଅପେକ୍ଷା କରିବେ, ସେଥି ନିମନ୍ତେ ମହିଳାମାନେ ମିଳିତ ଭାବରେ ସ୍ୱଚ୍ଛ ଭାରତ କାର୍ଯ୍ୟକ୍ରମ ମାଧ୍ୟମରେ ସମସ୍ତ ଯାତ୍ରୀ ବିଶ୍ରାମଗାର ଓ ଆଖପାଖ ସ୍ଥାନକୁ ସଫା କରି ପରିଷ୍କାର ପରିଚ୍ଛନ୍ନ କରିଛନ୍ତି । ମହିଳା ଗ୍ରୁପ ସ୍ଲୋଗାନ ଦେଇଛନ୍ତି କି କଳିଙ୍ଗା ଛକ ଯେପରି ସଦା ସର୍ବଦା ସ୍ୱଚ୍ଛ ରହିବ ସେଥିନିମନ୍ତେ ସମସ୍ତେ “ଏକ ହୋଇ ପ୍ରତିଜ୍ଞା କରିବା ଏବଂ ସଫା ସୁତୁରା ରଖିବା” ଏଥି ସହ ସମସ୍ତଙ୍କୁ ନିବେଦନ କରିଛନ୍ତି ଯେ ସେମାନେ ନିଜ ଘର,ଦୋକାନ ମାନଙ୍କରେ ଡଷ୍ଟବିନ ରଖିବା ନିମନ୍ତେ ଦୋକାନୀ ଭାଇ ଓ ଜନ ସାଧାରଣଙ୍କୁ ଅନୁରୋଧ କରିଛନ୍ତି । କାର୍ଯ୍ୟକ୍ରମରେ ସ୍ଥାନୀୟ ପଞ୍ଚାୟତର ଅନେକ ମହିଳାମାନେ ଉପସ୍ଥିତ ରହି ସାଫେଇ କାର୍ଯ୍ୟକ୍ରମ କରିଥିଲେ ।