ହରଭଙ୍ଗା:-ଆସନ୍ତା ୧୭ ରୁ ମା ଭୈରବୀଙ୍କ ଖଣ୍ଡାବସା ପର୍ବ ଆରମ୍ଭ ହେବ । ବୌଦ୍ଧ ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ଭୈରବୀଙ୍କ ପୀଠ ର ଗୁପ୍ତ ପୂଜା ଓ ଖଣ୍ଡା ବସା ପୂଜା ଆରମ୍ଭ ହେବ । ଏ ନେଇ ଆଜି ମନ୍ଦିର ପରିସରରେରେ ଏକ ପ୍ରସ୍ତୁତି ବୈଠକ ମନ୍ଦିର ପରିଚାଳନା କମିଟି ସଭାପତି ସୁରେନ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ପ୍ରତିବର୍ଷ ଭଳି ଚଳିତ ବର୍ଷ ଷୋଳପୂଜା କିପରି ସୁଚାରୁ ରୂପେ ସମ୍ପନ୍ନ ହେବ ସେ ବିଷୟରେ ଆଲୋଚନା ହୋଇଥିଲା । ଷୋଳଖଣ୍ଡ ମୌଜାର ଅଧିବାସୀ ମାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ହେଉଥିବା ପୂଜା ପାଇଁ ବିଭିନ୍ନ ଦାୟିତ୍ୱ ବଣ୍ଟନ କରାଯାଇଥିଲା । ବୈଠକରେ ମନ୍ଦିର ପରିଚାଳନା କମିଟି ସମ୍ପାଦକ ସୁସେଣ ପ୍ରଧାନ, ଉପ ସଭାପତି ରାମଚନ୍ଦ୍ର ସାହୁ, ସହ ସମ୍ପାଦକ ରସାନନ୍ଦ ସାହୁ, କୋଷାଧକ୍ଷ ସରୋଜ ପ୍ରଧାନଙ୍କ ସମେତ ଷୋଳଖଣ୍ଡ ଗ୍ରାମର ପ୍ରତିନିଧି ମାନେ ଉପସ୍ଥିତ ଥିଲେ ।