ସମ୍ବଲପୁର: ସ୍ଥାନୀୟ ହୀରାକୁଦ ଥାନାରେ ଆୟୋଜିତ ଆଜିର ରକ୍ତଦାନ ଶିବିରରେ ୧୦୮ ୟୁନିଟ ରକ୍ତ ସଂଗ୍ରହ କରାଯାଇଛି । ଏ ବିଷୟରେ ପୁଲିସ ମୁଖ୍ୟାଳୟ ସୂତ୍ରରୁ ପ୍ରାପ୍ତ ସୂଚନା ଅନୁସାରେ ସ୍ଥାନୀୟ ପୁଲିସ ଉଚ୍ଚାଧିକାରୀ ଏସଡିପିଓ ସତ୍ୟବ୍ରତ ଦାସ ଏହି ଶିବିରର ଉଦାଟନ କରିଥିଲେ ଓ ସେଠାକାର ପୁଲିସ କର୍ମଚାରୀ, ହିଣ୍ଡାଲକୋ, ସ୍ୱେଚ୍ଛାସେବୀ ସଂଗଠନ ପରିଚୟ ଓ ସ୍ଥାନୀୟ ଜନସାଧାରଣଙ୍କୁ ଏହି ଅବସରରେ ଅଧିକରୁ ଅଧିକ ରକ୍ତଦାନ କରିବା ପାଇଁ ଆଗ୍ରହ କରିଥିଲେ । ସେ ତାଙ୍କ ବକ୍ତବ୍ୟରେ କହିଥିଲେ ଯେ ବର୍ତ୍ତମାନ ଜିଲ୍ଲାରେ ରକ୍ତ ଅଭାବ ପରିପ୍ରେକ୍ଷୀରେ ପୁଲିସ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ଏହି ଶିବିରର ଆୟୋଜନ କରାଯାଇଛି । ପରିଶେଷରେ ହୀରାକୁଦ ଥାନା ପ୍ରଭାରୀ ଇନ୍ସପେକ୍ଟର ଯାଜ୍ଞସିନୀ ନାୟକ ସମସ୍ତ ରକ୍ତଦାତାଙ୍କୁ ଧନ୍ୟବାଦ ଜଣାଇଥିଲେ ।