ଖପ୍ରାଖୋଲ : ଖପ୍ରାଖୋଲ ବ୍ଲକ ପାଟଣାଗଡ଼ ବନାଞ୍ଚଳ ରେଞ୍ଜ ଲରମ୍ଭା ସର୍କଲର ବାନ୍ଧେନମାଲ ଗ୍ରାମରେ ବନକର୍ମଚାରୀଙ୍କୁ ଦୀର୍ଘ ୮ ରୁ ୧୦ ଘଣ୍ଟା ଧରି ଅଟକ ରଖିଥିଲେ । ସୂଚନା ଅନୁୟାୟୀ, ଲରମ୍ଭା ସର୍କଲର ବାନ୍ଧେନମାଲ ଓ ଖୋଲାଗଡ଼ ଗ୍ରାମରେ ବନବିଭାଗ ତରଫରୁ ମନରେଗା ଯୋଜନାରେ କାମ ହୋଇଥିଲା । ଉକ୍ତ କାମରେ ନିୟୋଜିତ ଶ୍ରମିକଙ୍କୁ ତାଙ୍କର ପାରିଶ୍ରମିକ ମିଳିନଥିବା ଅଭିଯୋଗ ହୋଇଛି । ଏ ନେଇ ଶ୍ରମିକମାନେ ବାରମ୍ବାର ଦାୟିତ୍ୱରେ ଥିବା ବନକର୍ମଚାରୀଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ମିଳିନଥିଲା । ଆଜି ପାଟଣାଗଡ଼ ରେଞ୍ଜର ସମେତ ୭ ଜଣ ବନକର୍ମଚାରୀ ଗାଁକୁ ଯାଇଥିବା ବେଳେ ଗାଁର ସଂପୃକ୍ତ ଶ୍ରମିକମାନେ ସେମାନଙ୍କୁ ଅଟକ ରଖିଥିଲେ । ମଧ୍ୟାହ୍ନ୍ନ ୨ଟାରୁ ଅଟକ ରଖିଥିବା ଜଣାପଡିଛି । ତାଙ୍କ ପାଉଣା ଦାବିରେ ଅଡ଼ିବସିଥିବାରୁ କୌଣସି ସମାଧାନ ହୋଇପାରିନଥିଲା । ଏ ନେଇ ଅଟକ ବନକର୍ମଚାରୀଙ୍କ ପ୍ରତିକ୍ରିୟା ମିଳିପାରିନାହିଁ ।