ଘୁ. ଉଦୟଗିରି: କନ୍ଧମାଳ ଜିଲ୍ଲା ଘୁ. ଉଦୟଗିରି ବିଜ୍ଞାପିତ ଅଞ୍ଚଳ ପରିଷଦର ନିର୍ବାଚନ ସରିବା ଅଳ୍ପଦିନ ହେଉଥିବା ବେଳେ ଆଜି ପରିଷଦ ଅନ୍ତର୍ଗତ ୧ ନମ୍ବର ୱାର୍ଡ଼, ପଦାସାହିର ନବ ନିର୍ବାଚିତ କାଉନସିଲର ତଥା ଉପାଧ୍ୟକ୍ଷ ସନ୍ତୋଷ କୁମାର ବାଘ ଆକ୍ସନ ମୋଡ଼ରେ ଥିବା ଦେଖିବାକୁ ମିଳିଛି । ବର୍ତ୍ତମାନର ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ନିଜ ୱାର୍ଡ଼ର ରାଜ୍ୟ ରାଜପଥ ନିକଟରେ ଏକ ଜଳଛତ୍ରର ବ୍ୟବସ୍ଥା କରିଛନ୍ତି । ଯାହା ଶୋଷିଲା ପଥଚାରୀ ମାନଙ୍କୁ ଭୀଷଣ ଖରା ଦିନେ ଶୋଷ ମେଣ୍ଟାଇ ପାରିବ । ନିଜ ୱାର୍ଡ଼ର ସମର୍ଥକମାନଙ୍କ ସହ ଆଜି ଜଳଛତ୍ର ଭଳି ମହତ୍ କାର୍ଯ୍ୟର ଶୁଭାରମ୍ଭ କରିଥିବା ଦେଖିବାକୁ ମିଳିଛି । ତା ସହ ନିଜ ୱାର୍ଡ଼ ଅନ୍ତର୍ଗତ ଡ୍ରେନ ଗୁଡ଼ିକୁ ପରିଷଦର ସଫେଇ କର୍ମଚାରୀ ମାନଙ୍କୁ ନେଇ ସଫେଇ କାର୍ଯ୍ୟର ତଦାରଖ କରିବା ସହ ନିଜ ୱାର୍ଡ଼ର ଜଳ ସମସ୍ୟାର ସମାଧାନ ମୁଖ୍ୟ ପ୍ରସଙ୍ଗ ବୋଲି ପ୍ରକାଶ କରିଛନ୍ତି । ଉପାଧ୍ୟକ୍ଷ ବାଘ ବାବୁଙ୍କ ଏପରି ସାର୍ବଜନୀନ ସାମାଜିକ କାର୍ଯ୍ୟକୁ ଘୁ. ଉଦୟଗିରି ବିଜ୍ଞାପିତ ଅଞ୍ଚଳ ପରିଷଦ ଜନସାଧାରଣ ଧନ୍ୟବାଦ୍ ଦେବା ସହ ପ୍ରଶଂସା କରୁଥିବା ସୂଚନା ମିଳିଛି ।