ଘୁ. ଉଦୟଗିରି: ଘୁ. ଉଦୟଗିରି ଥାନା ଅନ୍ତର୍ଗତ ରାଇପଦା ନିକଟ ପଣସବାଙ୍କଠାରେ ଗଞ୍ଜେଇ ଭର୍ତ୍ତି ୱାଗନର କାର ନମ୍ବର (ଓ ଆର ୦୨ଏ ଆର ୩୬୦୫) ଓଲଟି ଯାଇଥିବା ବେଳେ ଚାଳକ ଘଟଣା ସ୍ଥଳରୁ ଫେରାର ହୋଇଯାଇଛନ୍ତି । ଦୁର୍ଘଟଣାଗ୍ରସ୍ତ ଗାଡ଼ିଟିକୁ ଦେଖି ରାସ୍ତାରେ ଯିବା ଆସିବା ଲୋକ ଘୁ. ଉଦୟଗିରି ପୋଲିସ ଥାନାକୁ ଖବର ଦେଇଥିଲେ । ଏସଡିପିଓ ଥାନା ଭାରପ୍ରାପ୍ତ ଅଧିକାରୀ ରେବତୀ ଶବର ଓ ଦ୍ୱିତୀୟ ଅଧିକାରୀ ଅନନ୍ତ କୁମାର ପ୍ରଧାନ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗଞ୍ଜେଇ ଭର୍ତ୍ତି କାରଟିକୁ ଜବତ କରିଥିବା ବେଳେ କାରରେ କେତେ ମାତ୍ରାରେ ଗଞ୍ଜେଇ ଅଛି ତାହା ଜଣାପଡ଼ିନାହିଁ । କିନ୍ତୁ କାରଟିକୁ ଦେଖିଲା ବେଳେ କାର ଭିତରେ ଥିବା ସମସ୍ତ ଖାଲି ସ୍ଥାନରେ ଗଞ୍ଜେଇ ପୁଡ଼ା ପୁଡ଼ା ଭର୍ତ୍ତି ହୋଇଥିବା ଦେଖିବାକୁ ମିଳିଛି । କାର ଚାଳକ କିଏ ଓ ମାଲିକ କିଏ ସ୍ଥାନୀୟ ପୋଲିସ ତାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।