ଫୁଲବାଣୀ: ଚକାପାଦ ବ୍ଲକର ବପୋଲମେଣ୍ଡି ଠାରେ ଆଜି ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଛି । ଏହି ଚକ୍ଷୁ ଚିକିତ୍ସା ଶିବିରରେ ସ୍ଥାନୀୟ ସରପଞ୍ଚ ସୁନିତା କହଁର ମୁଖ୍ୟଅତିଥି ଭାବରେ ଯୋଗ ଦେଇ ଥିବା ବେଳେ ସ୍ଥାନୀୟ ନାଏବ ସରପଞ୍ଚ ମନୋଜ କୁମାର ପ୍ରଧାନ ସମ୍ମାନୀତ ଅତିଥି ଭାବରେ ଯୋଗ ଦେଇଥିଲେ । ଉକ୍ତ ଚକ୍ଷୁ ଚିକିତ୍ସା ଶିବିରରେ ବପୋଲମେଣ୍ଡି ଗ୍ରାମ ପଞ୍ଚାୟତର ବିଭିନ୍ନ ୱାର୍ଡରୁ ବହୁ ସଂଖ୍ୟାରେ ଚକ୍ଷୁ ରୋଗୀ ଯୋଗ ଦେଇ ଚକ୍ଷୁ ଚିକିତ୍ସା କରାଇ ନେଇଛନ୍ତି । ଆଜିକାର ଚକ୍ଷୁ ଚିକିତ୍ସା ଶିବିରକୁ ସମାଜସେବୀ ଦେବେନ୍ଦ୍ର ନାୟକ ପରିଚାଳନା ଓ ତଦାରଖ କରିଛନ୍ତି । କନ୍ଧମାଳ ଜିଲ୍ଲାର ବିଭିନ୍ନ ବ୍ଲକ ଓ ଦୁର୍ଗମ ଅଞ୍ଚଳରେ ଏହି ପରି ଭାବରେ ଜନସାଧାରଣଙ୍କ ସ୍ୱାର୍ଥ ନିମନ୍ତେ ମାଗଣା ଚକ୍ଷୁ ଚିକିତ୍ସା ଶିବିର ଆୟୋଜନ କରାଯାଉଛି । ଆଗାମୀ ଦିନରେ ମଧ୍ୟ ମାଗଣା ଚକ୍ଷୁ ଚିକିତ୍ସା ଶିବିର ଆୟୋଜନ କରାଯିବ ବୋଲି ରାଜ୍ୟ ସଂଯୋଜକ ଅରୁଣ କୁମାର ନାୟକ ସୂଚନା ଦେଇଛନ୍ତି । ଏହି ଚକ୍ଷୁ ଚିକିତ୍ସା ଶିବିର ମଧ୍ୟରେ ଦୁର୍ଗମ ଅଞ୍ଚଳର ବହୁ ଗରିବ ଚକ୍ଷୁ ରୋଗୀ ମାଗଣାରେ ଉତ୍ତମ ଚିକିତ୍ସା ପାଉଥିବା କହିଛନ୍ତି ।