ପାଟଣାଗଡ଼: ପାଟଣାଗଡ଼ରୁ ପଦ୍ମପୁର ରାସ୍ତାରେ ଜଣେ ଯୁବକଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଛି । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଲୁହାସିଂହା ଗ୍ରାମର ବିରେନ୍ଦ୍ର ମେହେର (୩୫) ପାଟଣାଗଡ଼ରୁ ନିଜ ଘରକୁ ଏକ ସ୍କୁଟି ଓଡି ୦୩ୟୁ ୯୮୮୧ରେ ଯାଉଥିବା ବେଳେ ବାଞ୍ଜିଝାଲ ଗ୍ରାମରେ ଥିବା ଏକ ମହୁଲ ଗଛ ତଳେ ପଡି ରହିଥିବାରୁ ସ୍ଥାନୀୟ ଲୋକେ ଦେଖିବାକୁ ପାଇଥିଲେ ଏବଂ ଶବକୁ ଚିହ୍ନଟ କରି ପରିବାରବର୍ଗଙ୍କୁ ଖବର ଦେଇଥିବା ଜଣାପଡିଛି । ଏହା ଦୁର୍ଘଟଣା ନାଁ ହତ୍ୟା ତାହା ଜଣାପଡ଼ି ନାହିଁ କିନ୍ତୁ ଘଟଣାର ପାରିପାର୍ଶ୍ୱିକ ସ୍ଥିତକୁ ଅନୁଧ୍ୟାନ କଲେ ସ୍କୁଟିର କୌଣସି କ୍ଷତି ନ ହୋଇଥିବାରୁ ଲୋକଙ୍କ ମନରେ ସନ୍ଦେହ ଜାତ କରୁଛି ।ଖବର ପ୍ରକାଶ କରିବା ପର୍ଯ୍ୟନ୍ତ ପୋଲିସ ପହଞ୍ଚି ନଥିଲେ । ପୋଲିସ ତଦନ୍ତ ପରେ ପ୍ରକୃତ ତଥ୍ୟ ଲୋକଲୋଚନକୁ ଆସିବ ।