ସୁରତ : ଚେନ୍ନାଇ ସୁପରକିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନି ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍ ୨୦୨୨) ର ୧୫ ତମ ସିଜନ୍ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ମାର୍ଚ୍ଚ ୨୬ ରୁ ଆଇପିଏଲ ୨୦୨୨ ଆରମ୍ଭ ହେବ । ୬ ମାର୍ଚ୍ଚରେ ଆଇପିଏଲ ୨୦୨୨ ର ସମ୍ପୂର୍ଣ୍ଣ କାର୍ଯ୍ୟସୂଚୀ ପ୍ରକାଶ ପାଇଛି । ୨୬ ମାର୍ଚ୍ଚରେ କୋଲକାତା ନାଇଟ୍ ରାଇଡର୍ସ (କେକେଆର) ବିପକ୍ଷରେ ସିଏସକେର ପ୍ରଥମ ମ୍ୟାଚ୍ । ଏଥିପାଇଁ ସିଏସକେ ଦଳ ଏକ ଅଭ୍ୟାସ ଅଧିବେଶନ ମଧ୍ୟ ଆରମ୍ଭ କରିଛି ।
ଏହି ଅବସରରେ ଧୋନିଙ୍କ ନୂଆ ଲୁକ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଧୋନିଙ୍କ ଅଧିନାୟକତ୍ୱ ସିଏସକେ ବର୍ତ୍ତମାନ ଡିଫେଣ୍ଡିଂ ଚାମ୍ପିଅନ୍ । ବିଶ୍ୱାସ କରାଯାଉଥିଲା ଯେ ଆଇପିଏଲ୍ ୨୦୨୧ ଧୋନିଙ୍କ ଶେଷ ଆଇପିଏଲ୍ ହେବ, କିନ୍ତୁ ସେ ୨୦୨୨ ରେ ପୁଣି ଥରେ ସିଏସକେ ଅଧିନାୟକ ହେବେ । ୪୦ ବର୍ଷୀୟ ଧୋନି ଜୁଲାଇ ୨୦୧୯ ରେ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ । ସେ ୧୫ ଅଗଷ୍ଟ ୨୦୨୦ ରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ ।