ପାରଳାଖେମୁଣ୍ଡି ପୌର ପରିଷଦ ନିର୍ବାଚନ : ବିଭିନ୍ନ ଦଳର ପ୍ରାର୍ଥୀଙ୍କ ପ୍ରାର୍ଥୀପତ୍ର ଦାଖଲ

ପାରଳାଖେମୁଣ୍ଡି : ଗଜପତି ଜିଲ୍ଲା ପାରଳାଖେମୁଣ୍ଡି ପୌର ପରିଷଦ ନିର୍ବାଚନ ନିମନ୍ତେ ଚତୁର୍ଥ ଦିନରେ ୬ ଜଣ ପାର୍ଥୀ କାଉନସିଲର ପଦବୀ ନିମନ୍ତେ ନାମାଙ୍କନ ପତ୍ର ଦାଖଲ କରିଛନ୍ତି ।ଏହାକୁ ମିଶାଇ ମୋଟ ୯ ଜଣ ପାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ଚତୁର୍ଥ ଦିନରେ ବିଜେପି ତରଫରୁ ୱାର୍ଡ ନଂ ୧ ରୁ କେ ପୁଣ୍ୟବତୀ, ୱାର୍ଡ ନମ୍ବର ୪ ରୁ ଆଦର୍ଶ ଦାସ, ୱାର୍ଡ ନମ୍ବର ୭ରୁ ଭି. କଲ୍ୟାଣି, ୱାର୍ଡ ନମ୍ବର ୯ରୁ ଏସ. ରମେଶ ବାବୁ ଓ ୱାର୍ଡ ନମ୍ବର ୧୪ ରୁ ପି. ପଦ୍ମାବତୀ ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ବିଜେଡି ତରଫରୁ ୱାର୍ଡ ନମ୍ବର ୯ ରୁ ଇ. ନାରାୟଣ ରାଓ ବେହେରା ନାମାଙ୍କନ ପତ୍ର ଦାଖଲ କରିଛନ୍ତି । ଚତୁର୍ଥ ଦିନ ଶେଷ ସୁଦ୍ଧା କୌଣସି ରାଜନୈତିକ ଦଳ କିମ୍ବା ସ୍ୱାଧୀନ ପାର୍ଥୀମାନେ ଅଧ୍ୟକ୍ଷ ପଦବୀ ନିମନ୍ତେ ନାମାଙ୍କନ ପତ୍ର ଦାଖଲ କରି ନାହାଁନ୍ତି । ଚଳିତ ମାସ ୭ ତାରିଖ ନାମାଙ୍କନ ପତ୍ର ଦାଖଲ କରିବା ଶେଷ ତାରିଖ ରହିଛି । ଶେଷ ଦୁଇ ଦିନରେ ପାରଳାଖେମୁଣ୍ଡି ପୌର ପରିଷଦ ଅଧ୍ୟକ୍ଷ ଓ ୧୬ ଟି ୱାର୍ଡର କାଉନସିଲର ପଦବୀ ନିମନ୍ତେ ବିଜେପି, ବିଜେଡି କଂଗ୍ରେସ ସମେତ ଅନ୍ୟ ରାଜନୈତିକ ଦଳ ତରଫରୁ ଅଧିକାଂଶ ପାର୍ଥୀ ନାମାଙ୍କନ ପତ୍ର ଦାଖଲ କରିବାର ସମ୍ଭାବନା ରହିଛି ।