ସୁବର୍ଣ୍ଣପୁର : ଗତକାଲି ସନ୍ଧ୍ୟା ୬.୩୦ ଟା ବେଳେ ସୁବର୍ଣ୍ଣପୁର ଏସପିଙ୍କ ନିର୍ଦ୍ଦେଶରେ ସୋନପୁର ଥାନା ଭାରପ୍ରାପ୍ତ ଅଧିକାରୀ ରଞ୍ଜିତ କୁମାର ସାହୁଙ୍କ ଏକ ସ୍ପେଶାଲ ଟିମ ଦେବାଶିଷ ସାହୁଙ୍କ ନେତୃତ୍ୱରେ ପେଟ୍ରୋଲିଂ କରୁଥିବା ବେଳେ କୌଣସି ସୁତ୍ରରୁ ଖବରପାଇ ଏକ ଇଚର କମ୍ପାନୀର ଟ୍ରକ ଯାହାର ନମ୍ବର ଏଚ୍ଆର୍୬୩ ଏଫ୍୯୩୩୩ କୁ ଯାଞ୍ଚ କରିବାରୁ ସେଥିରୁ ୨ କ୍ୱିଣ୍ଟାଲ ୧୦ କେଜି ଗଞ୍ଜେଇ ଜବତ କରିଛି । ଯାହାର ଆନୁମାନିକ ମୂଲ୍ୟ ପ୍ରାୟ ୨୦ ଲକ୍ଷରୁ ଅଧିକ ହେବ ବୋଲି ସୂଚନା ମିଳିଛି । ସେହିପରି ଟ୍ରକର ମୂଲ୍ୟ ପ୍ରାୟ ୨୦ ଲକ୍ଷ, ଗୋଟିଏ ଫୋନ ୧୦ ହଜାର ଟଙ୍କା ମୂଲ୍ୟର ଜିନିଷ ଜବତ କରିଛି ସୋନପୁର ପୋଲିସ । ଅଭିଯୁକ୍ତ ହରିୟାଣାର ଝାଝର ଜିଲ୍ଲା ନିବାସୀ ଦେବେନ୍ଦର୍ ସିଂହ ଓ ସତୀଶ ସିଂହଙ୍କୁ ସୋନପୁର ପିଏସ କେଶ ନମ୍ୱର୍ ୩୮୦ ତାରିଖ ୨୭-୧୧-୨୪ (ୟୁଏସ୍୨୦ ) ବି ସସ ସି୨୫/୨୯ ଏନଡିପିଏସ ଧାରାରେ ଗିରଫ କରିଛି । ଆଜି ଏ ଘଟଣା ନେଇ ସୋନପୁର ପୋଲିସ ଷ୍ଟେସନରେ ସୁବର୍ଣ୍ଣପୁର ଏସପି ରାମ ପ୍ରସାଦ ସାହୁ ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି । ଏସଡିପିଓ ପ୍ରତାପ ଚନ୍ଦ୍ର ତ୍ରିପାଠୀ ଓ ଆଇଆଇସି ରଞ୍ଜିତ କୁମାର ସାହୁଙ୍କ ସହ ଏଏସ୍ଆଇ ପି.ନାଗ ,ହାବିଲଦାର ରାମଜୀ ପାଣିଗ୍ରାହୀ ଓ ଅନ୍ୟାନ୍ୟ ପୋଲିସ କର୍ମଚାରୀନେ ଉପସ୍ଥିତ ଥିଲେ ।