ଘୁ.ଉଦୟଗିରି : ଭାରତୀୟ ଜନତା ପାର୍ଟିର ନଗର ଶାଖା ପକ୍ଷରୁ ଆଜିର ପବିତ୍ର ରକ୍ଷାବନ୍ଧନ ଦିବସ ଉତ୍ସବ ପାଳନ କରାଯାଇଛି । ଏହି ଅବସରରେ ସ୍ଥାନୀୟ ଉପକାରାଗାରରେ ଥିବା ସମସ୍ତ ଅନ୍ତେବାସୀମାନଙ୍କୁ ବିଜେପି ଦଳର ଯୁବତୀ ଓ ମହିଳା କର୍ମୀ ରାକ୍ଷୀ ବାନ୍ଧି ଉତ୍ସବ ପାଳନ କରିଛନ୍ତି । ଆଜିର ଦିନଟି ବହୁତ ମୂଲ୍ୟବାନ ଅଟେ ଏହି ଦିନଟି ପାଇଁ ପ୍ରତ୍ୟେକ ପରିବାରରେ ଥିବା ଭାଇ ଓ ଭଉଣୀ ଉଭୟ ବର୍ଷ ତମାମ ଅପେକ୍ଷା କରିଥାନ୍ତି । ଅନ୍ତେବାସୀମାନେ କିଏ କେଉଁ କାରଣବଶତଃ ଦଣ୍ଡ ଭୋଗ କରୁଥାଇପାରନ୍ତି ତଥାପି ସେମାନେ ମଣିଷ । ଆଜି ଦିନଟିକୁ ସେମାନଙ୍କ ପାଇଁ ଖୁସି ଅନୁଭବ କରେଇବା ପାଇଁ ସ୍ଥାନୀୟ ବିଜେପି ମହିଳା କର୍ମକର୍ତ୍ତା ଭଉଣୀମାନେ ରାକ୍ଷୀ ବାନ୍ଧିବା ସହ ମିଠା ଖୁଆଇଥିଲେ । ଏହି ଅବସରରେ ନଗର ଭାରତୀୟ ଜନତା ପାର୍ଟିର କାଉନସିଲର କୁନ୍ତିମା ମଲ୍ଲିକ, ସଙ୍ଗୀତା ନାୟକ, ନିଶାରାଣି ନାୟକ, ସାଧାରଣ ସମ୍ପାଦକ ଭେଙ୍କଟେଶ୍ୱର ବେହେରା,ପ୍ରଶାନ୍ତ ବଗର୍ତ୍ତି, ଭୁବନ ମଲ୍ଲିକ, କରନ ପ୍ରଧାନ, ମନୋଜ ବେହେରା, କାଳିଆ ନାୟକ, ଶାନ୍ତିଲତା ପ୍ରଧାନ, ଚୁମ୍ମକି ପ୍ରଧାନ, ତନୁଷ୍ରୀ ନାୟକ, ସୁଭ୍ରାନ୍ତ ନାୟକ ଉପସ୍ଥିତ ରହି କାରାଗାର ଅନ୍ତେବାସୀ ମାନଙ୍କ ସହ ପବିତ୍ର ରକ୍ଷା ବନ୍ଧନ ଉତ୍ସବ ପାଳନ କରାଯାଇଛି ।