ଦଶପଲ୍ଲା : ବୋଲଗଡ ବ୍ଲକ୍ ଟିକାତାଳସ୍ଥ ସ୍ୱାମୀ ବିବେକାନନ୍ଦ ସଂସ୍କୃତ ବିଦ୍ୟାପୀଠର ପ୍ରଧାନପଣ୍ଡିତ ନଳିନୀ ସାହୁଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା ବିଶିଷ୍ଟ ଶିକ୍ଷାବିତ୍ ବିଜୟ କୁମାର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ବେଦମନ୍ତ୍ର ଉଚ୍ଚାରଣ ସହିତ ମୁଖ୍ୟଅତିଥି ନାରାୟଣ ଛୁଆଳସିଂହ ମଞ୍ଚାସୀନ ଅତିଥି ମାନଙ୍କ ସହିତ ରାମକୃଷ୍ଣ, ବିବେକାନନ୍ଦ, ମା’ସାରଦାଙ୍କ ପ୍ରତିକୃତିରେ ପ୍ରଦୀପ ଜାଳି ଉତ୍ସବର ଉଦଘାଟନ କରିଥିଲେ । ନାରାୟଣ ସାମନ୍ତରାୟ ଅତିଥି ପରିଚୟ ପ୍ରଦାନ କରିଥିଲେ ଓ ଶିକ୍ଷକ ବିମ୍ବାଧର ସାହୁ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ । ଅଧ୍ୟାପକ ସର୍ବେଶ୍ୱର ସାହୁ ମୁଖ୍ୟବକ୍ତା ଭାବରେ ନଳିନୀ ଗୁରୁମା’ଙ୍କ ବହୁମୁଖୀ ତ୍ୟାଗପୂତ ଚରିତ୍ରର ଅବତାରଣା କରିଥିଲେ । ସମ୍ମାନିତ ଅତିଥି ଭାବେ ପିଚୁକୁଳି ସାଧନ କେନ୍ଦ୍ର ସଂଯୋଜକ ଦୁର୍ଗାପ୍ରସାଦ ସୁବୁଦ୍ଧି, ପ୍ରଧାନଶିକ୍ଷକ ବାସୁଦେବ ବରାଡ, ପ୍ରଧାନଶିକ୍ଷକ ପ୍ରଫୁଲ୍ଲ କୁମାର ସିଂହ, ପ୍ରଧାନଶିକ୍ଷକ କ୍ଷେତ୍ରବାସୀ ରଣା, ପରିଚାଳନା କମିଟି ସଭାନେତ୍ରୀ ସସ୍ମିତା ମହାପାତ୍ର ନଳିନୀ ଗୁରୁମା’ଙ୍କ ସଂପର୍କରେ ନିଜର ବକ୍ତବ୍ୟ ରଖିଥିଲେ । ପୁରାତନ ଛାତ୍ରଛାତ୍ରୀ ମାନଙ୍କ ମଧ୍ୟରୁ ଶିକ୍ଷିୟିତ୍ରୀ ଇନ୍ଦୁମତୀ ଦେଈ ଓ ଟିକାତାଳ ଗ୍ରାମବାସୀ ମାନଙ୍କ ମଧ୍ୟରୁ ମଙ୍ଗୁଳି ଶତ୍ରୁଜିତ୍ , ତାରେଶ୍ୱର ସୁନ୍ଦରାୟ ଗୁରୁମା’ଙ୍କ ଗୁଣାବଳୀ ସହିତ ନିଜସ୍ୱ ଅନୁଭୂତି ପ୍ରକାଶ କରିଥିଲେ । ବିଦ୍ୟାଳୟ ତରଫରୁ ଗୁରୁମା’ଙ୍କୁ ମାନପତ୍ର ଉପଢୌକନ ପ୍ରଦାନ କରିବା ସହିତ ପିଚୁକୁଳି କ୍ଲଷ୍ଟର ତରଫରୁ ମଧ୍ୟ ମାନପତ୍ର ଉପାୟନ ପ୍ରଦାନ କରାଯାଇଥିଲା । ପୁରାତନ ଛାତ୍ରଛାତ୍ରୀମାନେ ଗୁରୁମା’ଙ୍କୁ ଉପହାର ପ୍ରଦାନ କରିଥିଲେ । ଗୁରମା’ ସମସ୍ତ ଛାତ୍ରଛାତ୍ରୀମାନଙ୍କୁ ପାଠ୍ୟ ଉପକରଣ ପ୍ରଦାନ କରିବା ସହିତ ପାଚିକା ଓ ସହାୟିକାଙ୍କୁ ଶାଢୀ ପ୍ରଦାନ କରିଥିଲେ । ଶେଷରେ ମନୋଜ କୁମାର ଗୁମାନସିଂହ ଧନ୍ୟବାଦ ପ୍ରଦାନ କରିଥିଲେ ।