ଚମ୍ପୁଆ: ଚମ୍ପୁଆ ଥାନା ଅନ୍ତର୍ଗତ ବଡନଇ ଗ୍ରାମରେ ଗତ ରାତି ଏକ ଅଭାବନୀୟ ଘଟଣା ଘଟିଯାଇଛି । ଟ୍ରାକ୍ଟରଟି ରାସ୍ତା କଡକୁ ପଶି ଯିବାରୁ ଚାଳକ ଖସିପଡି ତାର ମୃତ୍ୟୁ ହୋଇଥିବା ଜଣାଯାଇଛି । ଏ ନେଇ ଚମ୍ପୁଆ ପୋଲିସ ପକ୍ଷରୁ କେସ ନମ୍ବର ୧୫୦/୨୦୨୩ ରୁଜୁ କରି ଟ୍ରାକ୍ଟରକୁ ଜବତ କରିବା ସହ ମୃତଦେହକୁ ପୋଷ୍ଟମଟମ ପାଇଁ ଚମ୍ପୁଆ ଡାକ୍ତରଖାନା ପଠାଇଥିବା ଜଣାଯାଇଛି । ସୂଚନା ଅନୁସାରେ ଗତ ବୁଧବାର ସନ୍ଧ୍ୟା ବେଳେ ମାୟା ନାଏକଙ୍କ ଟ୍ରାକ୍ଟର ଧରି ୩୦ ବର୍ଷର ଚାଳକ ଲାଓ କାନ୍ତ ଚାତମ୍ବା ଯାଉଥିବା ବେଳେ ଟ୍ରାକ୍ଟରଟି ରାସ୍ତା କଡକୁ ଖସି ଯାଇଥିଲା । ଲାଓ କାନ୍ତ ଟ୍ରାକ୍ଟରରୁ ପଡିଯାଇ ଗୁରୁତର ଆହତ ହୋଇଥିଲେ । ପରେ ସ୍ଥାନୀୟ ଲୋକ ତାଙ୍କ ସ୍ତ୍ରୀ ବିନତି ଚାତମ୍ବାକୁ ଏନେଇ ଖବର ଦେବା ପରେ ସ୍ଥାନୀୟ ଲୋକ ସହାୟତାରେ ୧୦୮ ଗାଡି ଯୋଗେ ଚମ୍ପୁଆ ଡାକ୍ତରଖାନା ଆଣିଥିଲେ । ସେଠାରେ ଚିକିତ୍ସା ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଥିଲା । ପୋଲିସ ଉକ୍ତ ଶବ ଜବତ କରିବା ସହିତ ପୋଷ୍ଟମଟମ କରି ଦୁର୍ଘଟଣାର କାରଣ ତଦନ୍ତ କରୁଥିବା ଜଣାଯାଇଛି ।