ବାଲିଗୁଡ଼ା: କନ୍ଧମାଳ ଜିଲ୍ଲା କ.ନୂଆଗାଁ ପଶୁ ଚିକିତ୍ସାଳୟ ନିକଟରେ ଗତ ନବଦିନ ବ୍ୟାପୀ ଶ୍ରୀରାମଚରିତ ମାନସ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଅଧିବାସ ଓ କଳସ ଯାତ୍ରା ସହ ଶିକ୍ଷକ ସୁକାନ୍ତ କୁମାର ମହାପାତ୍ରଙ୍କ ଦ୍ୱାରା ନିର୍ମିତ ମୃଣୟମୂର୍ତ୍ତି ମାନଙ୍କୁ ମଣ୍ଡପରେ ସ୍ଥାପନ ଓ ପ୍ରତିଦିନ ସକାଳେ ବିଧି ପୂର୍ବକ ପୂଜା ଅର୍ଚ୍ଚନା ସହ ମଙ୍ଗଳ ଆଳତୀ, ସୂର୍ଯ୍ୟ ପୂଜା, ଗୋପୂଜା ଓ ଯଜ୍ଞ କର୍ତ୍ତା ଗୋପିନାଥ ପାତ୍ର ଓ ପୁରୋହିତ କମଳଲୋଚନ ଦାସଙ୍କ ଦ୍ୱାରା କରାଯାଇ ଗୋସ୍ୱାମୀ ତୁଳସୀ ଦାସ କୃତ ମାନସ ଗ୍ରନ୍ଥକୁ ଗଞ୍ଜାମ ବିଡିପୁରରୁ ଆସିଥିବା ପ୍ରକାଶ ଚନ୍ଦ୍ର ମିଶ୍ରଙ୍କ ଦ୍ୱାରା ପାରାୟଣ କରାଯାଇଥିଲା ।
ସନ୍ଧ୍ୟାରେ ହରିରାମ କୀର୍ତ୍ତନ,ଭଜନ ସହ ଭଦ୍ରକରୁ ଆସିଥିବା ମାନସ ପ୍ରବକ୍ତା ବିଜୟ ରାଘବ ଚନ୍ଦ୍ର ଦାସ ପ୍ରବଚନ ଦେଇଥିଲେ । ଉକ୍ତ କାର୍ଯ୍ୟକ୍ରମକୁ ଦିବ୍ୟ ଜୀବନ ସଂଘ ସଂପାଦକ ଶ୍ୟାମଘନ ସାହୁ ସଂଯୋଜନା କରିଥିଲା ବେଳେ ମାନସ ପରିଚାଳନା କମିଟି ସଭାପତି ରଞ୍ଜିତ କୁମାର ପଣ୍ଡା, ସଦସ୍ୟ ଶୁଶିଲ କୁମାର ପାତ୍ର, ପ୍ରଭାତ କୁମାର ପାଣିଗ୍ରାହୀ, ବିଜୟ କୁମାର ସାହୁ, ଧବଳେଶ୍ୱର ପାତ୍ର, ହୃଷିକେଶ ପାଢ଼ୀ, ଚିତ୍ତ ରଂଜନ ପାତ୍ର, ସତ୍ୟ ନାରାୟଣ ପଣ୍ଡା, ସମେତ ବହୁ ବରିଷ୍ଠ କର୍ମକର୍ତ୍ତା ସହଯୋଗ କରିଥିଲେ । ପ୍ରତିଦିନ ସନ୍ଧ୍ୟାରେ ଶହ ଶହ ଭକ୍ତଙ୍କ ସମାଗମ ହୋଇଥିଲା ବେଳେ ଆଜି ବିସର୍ଜନ ପର୍ବ ସମାପନ ହୋଇଯାଇଛି ।