ସୁବର୍ଣ୍ଣପୁର : ସୋନପୁର ଗୁଣ୍ଡିଚା ମନ୍ଦିରରେ ବଡ଼ ଜଗନ୍ନାଥ ଓ ବଳଭଦ୍ରଠାକୁରଙ୍କ କୃଷ୍ଣ ଓ ବଳରାମ ବେଶ ଅନୁଷ୍ଠିତ ହୋଇଯାଇଛି । ଏଇ ବିରଳ ବେଶକୁ ଦର୍ଶନ କରିବା ପାଇଁ ସଂଧ୍ୟା ସମୟରୁ ଶ୍ରଦ୍ଧାଳୁଙ୍କ ଲମ୍ବା ଧାଡ଼ି ଲାଗିରହିଥିଲା । ସମସ୍ତଙ୍କୁ ଶୃଙ୍ଖଳିତ ଦର୍ଶନ କରାଇବା ପାଇଁ ରଥଯାତ୍ରା କମିଟି ଓ ପ୍ରଶାସନ ପକ୍ଷରୁ ବ୍ୟାପକ ଆୟୋଜନ ହୋଇଥିଲା । ଆଜିର ସାଂସ୍କୃତିକ କାର୍ଯ୍ୟକ୍ରମ ପରିପ୍ରେକ୍ଷୀରେ ବରଗଡ଼ର କଳାଜିବୀ ଲୋକନୃତ୍ୟର ଦିଲୀପ କୁମାର ଓ ସାଥିଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ବହୁ ଲୋକଙ୍କ ସମାଗମ ହୋଇଥିଲା ।