ସମ୍ବଲପୁର: ସ୍ଥାନୀୟ ଗଙ୍ଗାଧର ମେହେର ବିଶ୍ୱବିଦ୍ୟାଳୟ ଠାରେ ଆଜି ସ୍ୱଭାବ କବି ଗଙ୍ଗାଧର ମେହେରଙ୍କ ୧୬୧ତମ ଜନ୍ମ ଜୟନ୍ତୀ ଅବସରରେ ଏକ ସ୍ମାରକୀ ବକ୍ତୃତା ଆୟୋଜିତ ହୋଇଥିଲା । ଏଥିରେ ପ୍ରୋ ଚିନ୍ତାମଣି ଭାରତୀ ସ୍ୱଭାବ କବି ରଚିତ “ପ୍ରଣୟ ବଲ୍ଲରୀ” ମହାକାବ୍ୟର ବିଭିନ୍ନ ଦିଗରୁ ଆଲୋଚନା ସହିତ ବିଷୟରେ ଲିଖିତ ଅନ୍ୟାନ୍ୟ କାବ୍ୟର ଏକ ତୁଳନାତ୍ମକ ଭାଷଣ ପ୍ରସ୍ତୁତ କରିଥିଲେ । କୁଳପତି ପ୍ରୋ ନାଗାରାଜୁଙ୍କ ସଭାପତିତ୍ୱରେ ଆୟୋଜିତ ଏହି ସାହିତ୍ୟ ସଭାରେ କୁଳସଚିବ ଯୁଗଳେଶ୍ୱରୀ ଦାଶ, ଉପ କୁଳସଚିବ ଉମା ଚରଣ ପତି, ପ୍ରୋ ପ୍ରଦୀପ ପଣ୍ଡା, ସ୍ନାତକୋତ୍ତର ପରିଷଦ ଅଧ୍ୟକ୍ଷ ପ୍ରୋ ଏସ କେ ଦାସ ଓ ଓଡ଼ିଆ ବିଭାଗୀ ମୁଖ୍ୟ ଡ଼ା ଲକ୍ଷ୍ମୀପ୍ରିୟା ବେହେରା ଆଦି ମଞ୍ଚାସୀନ ରହି ସଭାକାର୍ଯ୍ୟରେ ସହଯୋଗ କରିଥିଲେ ।