ପୁରୀ : ଶନିବାର ପୁରୀ ସମୁଦ୍ରରେ ଗାଧୋଉ ଥିବା ବେଳେ ନିଖୋଜ ହୋଇଯାଇଥିବା ବାଲେଶ୍ୱରର ବଂଶୀଧର ବେହେରାଙ୍କ ମୃତଦେହ ପୁରୀ ଚନ୍ଦ୍ରଭାଗା ମେରାଇନ ଥାନା ପୋଲିସ ଜବତ କରିଛି । ଗତକାଲି ରାତିରେ ପୋଲିସ ବେଲେଶ୍ୱର ମନ୍ଦିର କଇଁଛ ଘର ନିକଟସ୍ଥ ସମୁଦ୍ରକୂଳରୁ ତାଙ୍କ ଶବକୁ ଜବତ କରିଛି । ଏ ନେଇ ମେରାଇନ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ନିମନ୍ତେ ପୁରୀ ସଦର ମୁଖ୍ୟ ଚିକିତ୍ସାଳୟକୁ ପଠାଇଛି । ଶନିବାର ସକାଳେ ବଂଶୀଧର ନିଜ ଛୋଟ ପୁଅ ସହ ସହ ପୁରୀ ସ୍ୱର୍ଗଦ୍ୱାର ସମୁଖ ସମୁଦ୍ରରେ ଗାଧୋଉ ଥିବା ବେଳେ ହଟାତ ପୁଅ ଆଗରେ ବଂଶୀଧର ଗଭୀର ସମୁଦ୍ରକୁ ଭାସିଯାଇ ବୁଡି ଯାଇଥିଲେ । ଏହି ଘଟଣା ବେଶ ଚର୍ଚ୍ଚାର ବିଷୟ ହୋଇ ଥିଲା ।