ପୁରୀ : ଟାଉନଥାନା ପକ୍ଷରୁ ଆମ ପୁଲିସ ବୈଠକ ଓ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଶିବିରକୁ ଏସପି ଡକ୍ଟର କେ ବିଶାଲ ସିଂ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଶିବିରରେ ଶତାଧିକ ୟୁନିଟ ରକ୍ତ ସଂଗ୍ରହ କରାଯାଇଥିଲା । ରକ୍ତଦାତା ମାନେ ଉତ୍ସାହର ସହ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ । ଏହି ଅବସରରେ ଆୟୋଜିତ ଆମ ପୁଲିସ ବୈଠକରେ ଅଧ୍ୟକ୍ଷତା କରି ଜନତାଙ୍କୁ ଉପଯୁକ୍ତ ସେବା ଯୋଗାଇ ଦେବା ପାଇଁ ଏସପି ଶ୍ରୀ ସିଂ ଗୁରୁତ୍ୱାରୋପ କରିଥିଲେ । ଅତିରିକ୍ତ ଏସପି ମିହିର ପଣ୍ଡା, ଡିଏସପି ଜନାରର୍ଦ୍ଦନ ପାଢ଼ୀ, ଟ୍ରାଫିକ ଡିଏସପି ମୋନାବ୍ରତା ଶତପଥୀ, ଟାଉନ ଥାନା ଅଧିକାରୀ ଗୋକୁଳ ରଞ୍ଜନ ଦାସ, ବଳିଆପଣ୍ଡା ଥାନାଧିକାରୀ କୁଳମଣି ସେଠୀ, ସମୁଦ୍ରକୂଳ ଥାନାଧିକାରୀ ଚିନ୍ମୟ ରାଉତ ପ୍ରମୁଖ ବୈଠକରେ ଉପସ୍ଥିତ ଥିଲେ । ଟାଉନ ଥାନା ଅଂଚଳର ବିଭିନ୍ନ ସାହିରୁ ବ୍ୟକ୍ତି ବିଶେଷମାନେ ବୈଠକରେ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।