ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ପବିତ୍ର ଶ୍ରୀ ରାମ ନବମୀ ପାଳନ ଅବସରରେ ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗ ଦଳ ତରଫରୁ ମୋଟର ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏହି ଶୋଭାଯାତ୍ରା ଜଗନ୍ନାଥ ମନ୍ଦିର ନିକଟରୁ ବାହାରି ସହର ପରିକ୍ରମା କରିଥିଲେ । ଏଥିରେ ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗ ଦଳର ବହୁ କାର୍ଯ୍ୟକର୍ତ୍ତା ସାମିଲ ହୋଇ ଜୟ ଶ୍ରୀ ରାମ ଧ୍ୱନିରେ ସହର ପ୍ରକମ୍ପିତ ହେଉଥିଲା । ଏହି କାର୍ଯ୍ୟକ୍ରମରେ ବଜରଙ୍ଗ ଦଳର ଜିଲ୍ଲା ସଂଯୋଜକ ଗୌତମ କୁମାର ପାଢୀ,ସହ ସଂଯୋଜକ ସତ୍ୟ ନାରାୟଣ କାର୍ଜି,ବଜରଙ୍ଗ ଦଳର ସୋମ୍ୟ ରଞ୍ଜନ ଆଚାର୍ଯ୍ୟ,ବିଶ୍ୱ ହିନ୍ଦୁ ପରିଷଦର ନଗର ସଭାପତି କୈଳାଶ ଚନ୍ଦ୍ର ପଟ୍ଟନାୟକ, ନଗର ସମ୍ପାଦକ ମନୋଜ ଦାସ, ଜିଲ୍ଲା ସହ ସମ୍ପାଦକ ଲୋକ ନାଥ ମିଶ୍ର, କୋଷାଧ୍ୟକ୍ଷ ହରିମୋହନ ପଟ୍ଟନାୟକ, ନଗର ଗୋ ସୁରକ୍ଷା ପ୍ରମୁଖ ଦିବାକର ସ୍ୱାଳସିଂ, ଜିଲ୍ଲା ଗଣମାଧ୍ୟମ ପ୍ରତିନିଧିମାନଙ୍କ ସହ ବହୁ କାର୍ଯ୍ୟକର୍ତ୍ତା ସାମିଲ ଥିଲେ ।