କାମାକ୍ଷାନଗର : ଢେଙ୍କାନାଳ ଜିଲ୍ଲାରେ ଆଜି ଏକ ଟ୍ରେନି ବିମାନ ଦୁର୍ଘଟଣା ଘଟିଛି । କାମାକ୍ଷନଗର ଅନ୍ତର୍ଗତ ବୀରାଶାଳ ଅଂଚଳରେ ପ୍ରଶିକ୍ଷଣ ବେଳେ ବିମାନଟି ୧୫ ଫୁଟ ଉପରୁ ତଳକୁ ଖସିପଡିଥିଲା । ତଳେ ପଡିବା ପରେ ଏହା ଦି’ଫାଳ ହୋଇଯାଇଛି । ଟ୍ରେନି ପାଇଲଟ ଏହି ଦୁର୍ଘଟଣାରୁ ଗୁରୁତର ଭାବେ ଆହତ ହୋଇଛନ୍ତି । ତାଙ୍କୁ ତୁରନ୍ତ କାମାକ୍ଷନଗର ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସଂପର୍କରେ ପ୍ରାଥମିକ ଅନୁସନ୍ଧାନ ଆରମ୍ଭ ହୋଇଛି । ଏୟାରଷ୍ଟ୍ରିପ୍ରେ ଖସି ପଡିବାର କିଛି ସମୟ ପରେ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚିଥିଲେ । ଏହା ଏକ ନିୟମିତ ପ୍ରଶିକ୍ଷଣ ଉଡାଣ ବୋଲି ଜଣାପଡିଛି ।