ପାରଳାଖେମୁଣ୍ଡି : ପାରଳାଖେମୁଣ୍ଡି ସହର କବିଚନ୍ଦ୍ର ସାହି ସ୍ଥିତ କବିଚନ୍ଦ୍ର ପାଠାଗାର ପରିସରରେ ଏକ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ ହୋଇଯାଇଛି । ବିଶାଖପାଟଣାର ବିଶିଷ୍ଟ ଅସ୍ଥିସଲ୍ୟ ବିଶେଷଜ୍ଞ ଡ଼ାକ୍ତର ରବିଚନ୍ଦ୍ର ଭାଟିପାଲ୍ଲିଙ୍କ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମକୁ ପାରଳାଖେମୁଣ୍ଡିର ଅଗ୍ରଣୀ ସଂଗଠନ କ୍ରିଏଟିଭ ଆର୍ଟସ ସହଯୋଗ କରିଥିଲେ । ଉଦଘାଟନୀ କାର୍ଯ୍ୟକ୍ରମରେ କ୍ରିଏଟିଭ ଆର୍ଟସ ସଭାପତି ନୃସିଂହ ଚରଣ ପଟ୍ଟନାୟକ, ଯୁଗ୍ମ ସମ୍ପାଦକ ଆଦର୍ଶ ଦାସ, ଓ ଡ଼ାକ୍ତର ରବିଚନ୍ଦ୍ର ଉପସ୍ଥିତ ଥିବା ବେଳେ ଡ଼ାକ୍ତର ପ୍ରଥମେ ସ୍ୱାସ୍ଥ୍ୟ ସମସ୍ୟାର କାରଣ ସମ୍ପର୍କରେ ଜଣାଇଥିଲେ ଓ ଗଜପତି ଜିଲ୍ଲାରୁ ବହୁ ମାତ୍ର ରେ ବିଶାଖାପାଟଣାରେ ସେ ଚିକିତ୍ସା କରୁଥିବାରୁ ଗଜପତିବାସୀଙ୍କୁ କିଛି ସେବା ଉଦ୍ଦେଶ୍ୟରେ ଆଜି ଆସିଥିବା କହିଥିଲେ । ୪୨ ଜଣ ବ୍ୟକ୍ତି ସ୍ୱାସ୍ଥ୍ୟ ସମସ୍ୟା ଜଣାଇ ବିନା ମୂଲ୍ୟରେ ଡ଼ାକ୍ତର ପରାମର୍ଶ ନେଇଥିଲେ । ଡ଼ାକ୍ତରଙ୍କ ସେବା ମନୋଭାବ ପାଇଁ ସହଯୋଗୀ ଅନୁଷ୍ଠାନ ସଭାପତି ସାଧୁବାଦ ଜଣାଇଥିଲେ ।