ଦଶପଲ୍ଲା : – ଇତି ମଧ୍ୟରେ ସମବାୟ ନିର୍ବାଚନ ଶେଷ ପର୍ଯ୍ୟାୟ ତଥା କେନ୍ଦ୍ର ସମବାୟ ବ୍ୟାଙ୍କ ପରିଚାଳନା ପରିଷଦ ନିର୍ବାଚନ ବିଜ୍ଞପ୍ତି ପ୍ରକାଶ ପାଇଛି । ପରିଚାଳନା ପରିଷଦର ୧୫ଗୋଟି ସଦସ୍ୟ ପାଇଁ ନିର୍ବାଚନ ଅଧିକାରୀ ତଥା ଉପଜିଲ୍ଲାପାଳ ଲଗ୍ନଜିତ ରାଉତଙ୍କ ନିର୍ଦ୍ଦେଶରେ ବିଜ୍ଞପ୍ତି ପ୍ରକାଶ ପାଇଛି । ବିଭିନ୍ନ ସମବାୟ ସମିତିରୁ ନିର୍ବାଚିତ ହୋଇଥିବା ସଦସ୍ୟମାନଙ୍କୁ ୧୫ ଭାଗରେ ବିଭକ୍ତ କରାଯାଇ ୧୫ଟି ଜୋନ ଗଠନ କରାଯିବ ବୋଲି ସୂଚନା ମିଳିଛି । ଏଥି ନିମନ୍ତେ ଆସନ ସଂରକ୍ଷଣ ସମେତ ବିଧିବଦ୍ଧ ବିଜ୍ଞପ୍ତି ୩୫ ଦିନ ପୂର୍ବରୁ ପ୍ରକାଶ ପାଇବ । ଜିଲ୍ଲାରେ କେନ୍ଦ୍ର ସମବାୟ ବ୍ୟାଙ୍କ ସଭାପତି ପଦ ଏକ ଗୁରୁତ୍ୱପୂର୍ଣ୍ଣ ପଦବୀ ରହିଥିବାବେଳେ ନିର୍ବାଚିତ ହେବାକୁ ଥିବା ୧୫ଗୋଟି ପରିଚାଳନା ପରିଷଦର ସଦସ୍ୟଙ୍କ ମଧ୍ୟରୁ କାହା ମୁଣ୍ଡରେ ହାତୀ ସୁନା କଳସ ଢାଳୁଛି ,ତାହା ହେଖିବାକୁ ବାକି ରହିଲା ।