ପାରଳାଖେମୁଣ୍ଡି : ଟିପି ଗ୍ରୁଫ ଅଫ ଏଜୁକେସନାଲ ଇନଷ୍ଟିଚ୍ୟୁସନର ବାର୍ଷିକ ଉତ୍ସବ ରାଣୀ ପେଣ୍ଠ ସ୍ଥିତ ଟେକ୍ନୋ ପାର୍କ ପରିସରରେ ଆୟୋଜିନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଭାପତି ଜି ତିରୁପତି ରାଓ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଗଜପତି ଜିଲ୍ଲାପାଳ ଲିଙ୍ଗରାଜ ପଣ୍ଡା, ମୁଖ୍ୟବକ୍ତା ଭାବେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡକ୍ଟର ପ୍ରଦୀପ କୁମାର ପାତ୍ର, ଅନ୍ୟତମ ଅତିଥି ଭାବେ ପିଡ଼ି ଡିଆରଡିଏ ରୋମାଞ୍ଚଳ ଖମାରି, କାଶୀ ନଗର ବ୍ଳକ ଅଧ୍ୟକ୍ଷା ବାଲା ସାଇ ଆମ୍ମା ହାଇ ଟେକ ଗ୍ରୁପ ଅଧ୍ୟକ୍ଷ ଡକ୍ଟର ତିରୁପତି ପାଣିଗ୍ରାହୀ, ବିନୋଦିନୀ ଉଚ୍ଚ ବିଦ୍ୟାଳୟର ଅଧ୍ୟାପକ ରବୀନ୍ଦ୍ର ପାଣିଗ୍ରାହୀ ମଞ୍ଚାସିନ ଥିଲେ । ନର୍ସିଂ ଏବଂ ଫର୍ମାସିଷ୍ଟ ହେଉଛନ୍ତି ଡାକ୍ତର ମାନଙ୍କ ଭଳି ଧନ୍ୟବାଦର ପାତ୍ର । କୋଭିଡ ମହାମାରୀ ସମୟରେ ସେମାନଙ୍କ ସାହାସିକତା ଓ ସହଯୋଗ ଯୋଗୁଁ ବହୁ ଜୀବନ ରକ୍ଷା ପାଇଥିଲେ ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ଏହି ଅବସରରେ ଫାର୍ମାସୀ କଲେଜ ଅଧ୍ୟକ୍ଷ ଡକ୍ଟର ସଚ୍ଚିଦାନନ୍ଦ ଦାଶ, ନର୍ସିଂ କଲେଜ ଅଧ୍ୟକ୍ଷା କେ ନିରଜାଙ୍କୁ ସମ୍ମାନିତ କରାଯାଇଥିଲା ।