ଜହ୍ନାପଙ୍କ :ବୌଦ୍ଧ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କ କାର୍ଯ୍ୟାଳୟ ଓ ଭଗବତୀ ସ୍ୱୟଂ ସହାୟକ ଦଳ, ତେଲିବନ୍ଧର ମିଳିତ ଆୟୋଜନରେ ବୌଦ୍ଧ ବ୍ଲକର ଆଠ ଗୋଟି ଗ୍ରାମରେ ରବି ଋତୁ ପାଇଁ ବିହନ ବିଶୋଧନ ପ୍ରଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମଟି ରାଜ୍ୟ ଯୋଜନା ଅଧୀନରେ ହୋଇଥିଲା ଏବଂ ଶତାଧିକ ଚାଷୀ ଅଂଶ ଗ୍ରହଣ କରିଥିଲେ । ବୌଦ୍ଧ କୃଷି କାର୍ଯ୍ୟାଳୟର ବାନାମ୍ବର ସାହୁ,ସହାୟକ କୃଷି ଅଧିକାରୀ କର୍ଯ୍ୟମକ୍ରମରେ ଯୋଗଦାନ କରି ଶସ୍ୟ ଓ ଡାଲି ଜାତୀୟ ଚାଷରେ ବିହନ କିଭଳି ବିଶୋଧନ କରାଯାଏ ତାଲିମ ପ୍ରଦାନ କରିଥିଲେ । ତାଲିମ କେନ୍ଦ୍ର ଗୁଡିକ ବୌଦ୍ଧ ବ୍ଲକର ମୁରୁଶୁଣ୍ଢି, ଆନନ୍ଦପୁର, ପଞ୍ଜନା, ଟୁନି ଖମାର, ଉସମିଲିକା, ସାହୁପଡ଼ା, ଗଉନ୍ଦିସର ଓ ଇଶିରିସିଙ୍ଗା ଗ୍ରାମ ମାନଙ୍କରେ ଆୟୋଜିତ ହୋଇଥିଲା । କାର୍ଯ୍ୟକ୍ରମ ଗୁଡିକୁ କୃଷି ଅଧି ଦର୍ଶକ ଓ ଗ୍ରାମ ସେବକ ଯଥାକ୍ରମେ ଶେଷଦେବ ସାମଲ,ରବିନ ଦାସ, ପ୍ରଦ୍ୟୁମ୍ନ ମହାପାତ୍ର, ଏକାଦଶୀ ନାଏକ, ଦେବଦତ୍ତ ମହାପାତ୍ର, ଦିଲ୍ଲୀପ ବେହେରା ଏବଂ ଅମର ମହକୁଡଙ୍କ ସହିତ କୃଷକ ସାଥୀ ମାନେ ସହଯୋଗ କରିଥିଲେ । ଭଗବତୀ ସ୍ୱୟଂ ସହାୟକ ଦଳର ପ୍ରତିନିଧି ଭାବେ ସମାଜସେବୀ ନିର୍ମଳ କୁମାର ସାହୁ ବିହନ ବିଶୋଧନ ପ୍ରଦର୍ଶନ କାର୍ଯ୍ୟକ୍ରମକୁ ପରିଚାଳନା କରିଥିଲେ ।