ଫୁଲବାଣୀ: ଫୁଲବାଣୀ ଟାଉନ ଥାନା ସମ୍ମୁଖରୁ ସିରିଜ ଚୋରି । ଗୋଟିଏ କି ଦୁଇଟି ନୁହେଁ, ଚାରି ଚାରିଟା ଦୋକାନର ତାଲା ଭାଙ୍ଗି ନଗଦ ଟଙ୍କା ଓ ସାମଗ୍ରି ଚୋରି କରି ନେଇଛନ୍ତି ଦୁର୍ବୃତ୍ତ । ଦୁଇଜଣ ଯୁବକ ହାତରେ ଶାବଳ, ହାତୁଡି ଧରି ଦୋକାନରୁ ସେ ଦୋକାନକୁ ବୁଲିବୁଲି ଚୋରି କରୁଥିବା ଦୋକାନରେ ଲାଗିଥିବା ସିସି ଟିଭିରୁ ଦେଖିବାକୁ ମିଳିଛି । ଏହି ଚୋର ମାନେ ଥାନା ସମ୍ମୁଖ ଏକ ଓମ୍ଫେଡ କ୍ଷୀର ଦୋକାନ ତାଲା କାଟି ନଗଦ ଚାରି ହଜାର ଟଙ୍କା ନେଇ ପଲାଇ ଥିବାବେଳେ ଅନ୍ୟ ଦୋକାନରୁ ମୂଲ୍ୟବାନ ସାମଗ୍ରୀ ମାନ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ଥାନା ସମ୍ମୁଖରୁ ଯଦି ନିର୍ଭୟରେ ଚୋରି ହେଉଛି ଅନ୍ୟ ଅଂଚଳ କଥା ନକହିବା ଭଲ ।
ପୋଲିସ ପେଟ୍ରୋଲିଙ୍ଗ କରୁନି ଫଳରେ ଚୋରି ବଢୁଛି ସହରରେ । ବର୍ତ୍ତମାନର ଥାନା ଅଧିକାରୀଙ୍କ ନିଷ୍କ୍ରିୟତା ନେଇ ସହରରେ ଆଲୋଚନା ଜୋର ଧରିଛି । ଏଣୁ ଟାଉନ ଥାନାରେ ଜଣେ ଦକ୍ଷ, ସଚ୍ଚୋଟ ପୋଲିସ ଅଧିକାରୀଙ୍କୁ ଟାଉନ ଥାନା ଅଧିକାରୀ ଭାବେ ନିଯୁକ୍ତି ଦେବାକୁ ସାଧାରଣରେ ଦୃଢ ଦାବୀ ହେଉଛି ।