ହରଭଙ୍ଗା : ବøଦ୍ଧ ଜିଲ୍ଲାର ହରଭଙ୍ଗା ବ୍ଲକର ସୁରୁଣ୍ଡି ଗ୍ରାମରେ ଦେଖିବାକୁ ମିଳିଛି ଏକ ବିରଳ ଚିତ୍ର । ସୂଚନାମୁତାବକ ଦୀର୍ଘ ବର୍ଷ ହେଲା ଜଗନ୍ନାଥ ସଡକ ମୁଖ୍ୟରାସ୍ତା ଠାରୁ ସୁରୁଣ୍ଡି ବିଦ୍ୟାଳୟକୁ ଯିବା ରାସ୍ତାଟି ସମ୍ପୂର୍ଣ୍ଣ ଖରାପ ହୋଇଯାଇଛି । ଯାହାଫଳରେ ବର୍ଷା ଦିନ ହେଲେ ଉକ୍ତ ରାସ୍ତା ଦେଇ ଯାତାୟତ କରିବା କଷ୍ଟକର ହୋଇପଡେ । ଗାଁର କୁନି କୁନି ଛାତ୍ରଛାତ୍ରୀ ମାନେ ମଧ୍ୟ ସ୍କୁଲ ଯିବାଆସିବା କରିବାରେ ବହୁତ ଅସୁବିଧାର ସମ୍ମୁଖୀନ କରନ୍ତି । ଯଦି ବି ଯାନ୍ତି କାଦୁଆ ପଚ ପଚ ରାସ୍ତାରେ ଡ୍ରେସ ଖରାପ ହୋଇ ଯାଏ । ତେବେ ଗ୍ରାମବାସୀ ବାରମ୍ବାର ପ୍ରଶାସନକୁ ଦାବି ଆପତ୍ତି କରିଥିଲେ ସୁଦ୍ଧା ରାସ୍ତା ର କୌଣସି ସୁଧାର ଆସିନଥିଲା । ସ୍ଥିତି ଏମିତି ହେଲେ ରାସ୍ତାର କାଦୁଆ ପାଇଁ ଶିକ୍ଷକ ମଧ୍ୟ ସ୍କୁଲ ନ ଆସି ଅନ୍ୟତ୍ର ବଦଳି ହୋଇଥିଲେ । ଫଳରେ ଆଜି ସ୍କୁଲ ଛୁଟି ଥିବାରୁ ବାଧ୍ୟହୋଇ ଗାଁ ର କୁନି କୁନି ଛାତ୍ରଛାତ୍ରୀ ମାନେ କାଦୁଆ ରାସ୍ତାକୁ ସମତୁଲ କରିଛନ୍ତି । ଗାଁର ପିଲାଏ ସକାଳୁ ଏକାଠି ହୋଇ ଆଜି ଗାଁର ରାସ୍ତାକୁ ମରାମତି କରିବା ସହ ସ୍କୁଲରେ ଶିକ୍ଷକ ଯୋଗାଇ ଦେବା ପାଇଁ ଦାବି କରିଛନ୍ତି ।